ۆاسيلي جيروۆ گەننادي گولوۆكينگە اقىلىن ايتتى
پورتالدىڭ مالىمەتىنشە، ۆاسيلي جيروۆ WBA (Super) ، IBO جانە WBC (Interim) تۇجىرىمدارى بويىنشا ورتا سالماقتاعى الەم چەمپيونى گەننادي گولوۆكيننىڭ اۋىر سالماق دارەجەسىنە ءوتۋى مۇمكىن ەكەنىن ايتتى.
«سەن باسقا سالماق دارەجەسىنە وتەر كەزدە وزگەرىستەرگە دايىن بولۋىڭ كەرەك. مەن جۇدىرىقتاسقان كەزدە تاسىلدەرىمدى جەكپە-جەكتىڭ راۋندىنا قاراي وزگەرتە الاتىنمىن. بىردە شابۋىل جاساپ، بىردە قورعانىپ. شەگىنىپ، ەڭكەيىپ جۇمىس ىستەدىم، مۇنى كاسىپقوي بوكسشى ءبىلۋى ءتيىس. ال گولوۆكين اۋىر سالماققا ءوتىپ جاتسا نەنى ەسكەرۋى ءتيىس دەيتىن بولساق، مەنىڭ ويىمشا ول باپكەرلەر شتابىمەن بىرلەسىپ جۇمىس جوسپارىن قۇراستىرىپ قويدى. ءبىراق ءوز تاراپىمنان جىلدامدىقتى جوعالتپاي، سوققى ەكپىنىن ساقتاۋعا كەڭەس بەرەر ەدىم. بۇل ەكى سيپاتتاما گەنناديدىڭ ساتتىلىگىن ايقىنداپ بەرۋى مۇمكىن»، - دەدى جيروۆ.
ەسكە سالا كەتەيىك، گەننادي گولوۆكين مەن اعىلشىن بوكسشىسى مارتين ميۋررەي اراسىنداعى جەكپە-جەك موناكودا 22- اقپانعا قاراعان ءتۇنى وتەدى. ونى الەم بويىنشا HBO تەلەارناسى، قازاقستان بويىنشا «قازاقستان» تەلەارناسى تىكەلەي ەفيردە كورسەتەدى. جەكپە-جەك استانا ۋاقىتى بويىنشا ساعات 04.45-تە باستالادى.
ەكى بوكسشى ءۇشىن دە بۇل جەكپە-جەك كاسىبي الاڭداعى 32-كەزدەسۋ بولادى. گولوۆكين بۇعان دەيىنگى كەزدەسۋلەرىنىڭ بارىندە جەڭىسكە جەتكەن. ونىڭ ىشىندە، 28 جەكپە-جەكتىڭ 18 ءىن قاتارىنان مەرزىمىنەن بۇرىن جەڭىسپەن اياقتادى. ميۋررەي ءوز كەزدەسۋلەرىندە 29 رەت جەڭىپ، ءبىر رەت جەڭىلگەن، ءبىر رەت تەڭ ءتۇستى.
