ب. ساپاربايەۆ كاسىپورىن باسشىلارىن جاپپاي قىسقارتۋعا جول بەرمەۋگە شاقىردى

وسى ورايدا ۇكىمەت باسشىسىنىڭ ورىنباسارى جۇمىسشىلارىنا جاساپ وتىرعان جاعداي بويىنشا «قازتسينك» كاسىپورنىن ۇلگى رەتىندە كەلتىردى.

«قازتسينكتە» 25 مىڭ ادام جۇمىس ىستەيدى. قانداي داعدارىس بولماسىن، وندا جاپپاي قىسقارتۋ نەمەسە جالاقى مەن الەۋمەتتىك پاكەتتى تومەندەتۋ سەكىلدى جاعدايلار ورىن العان جوق. سوندىقتان دا بارلىعى باسشىعا بايلانىستى»، - دەدى ب. ساپاربايەۆ.

مۇنىمەن قوسا ول قازاقستاندىق قامتۋ ماسەلەسىنە جەكە توقتالدى. «نەگە ءبىز ۇنەمى «قازاقستاندىق قامتۋ» ماسەلەسىن كوتەرەمىز؟ قازىرگى جاعدايدا ءوزىمىز ءوندىرىپ جاتقان ءونىمدى الۋىمىز ماڭىزدى»، - دەدى ۆيتسە-پرەمەر.

بۇل تۇرعىدا ول ءاربىر باسشى وسى ماسەلەگە جاۋاپكەرشىلىكپەن قاراسا، وندا جۇمىسسىزدىق پروبلەماسى بولمايتىندىعىن قاداپ ايتتى.

«مەنىڭ ويىمشا، ءبىز جۇمىسسىزدىقتىڭ ارتۋىنا جول بەرمەيمىز جانە حالىقتىڭ ەڭبەكپەن قامتىلۋىن قامتاماسىز ەتۋگە قاۋقارلىمىز»، - دەپ ءتۇيدى ب. ساپاربايەۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى