كاسىپوداق ءوزىنىڭ جۇمىسىندا السىزدىگىن كورسەتىپ وتىر - ب. ساپاربايەۆ

اتالعان مينيسترلىكتىڭ مالىمەتىنە قاراعاندا، ادامداردىڭ جۇمىستان بوساۋىنا جول بەرمەۋ ماقساتىندا وسى ايدا ۇكىمەت مۇشەلەرى ەلىمىزدىڭ بارلىق وڭىرلەرىن ارالادى، بۇل ورايدا ءىرى كومپانيالار مەن كاسىپوداقتاردا، اكىمدىكتەردە كەزدەسۋلەر وتكىزدى. كەلىسسوزدەردىڭ قورىتىندىسىندا ءبىر ميلليوننان استام جۇمىس ورنىن ساقتاۋدى قاراستىراتىن 19 مىڭ مەموراندۋمعا، سونىمەن قاتار 1,4 تريليون تەڭگە سوماعا تاۋارلار مەن قىزمەتتەردى ساتىپ الۋ جونىندە 431 مەموراندۋمعا قول قويىلدى.

«ەندى وبلىس اكىمدەرى ورىنباسارلارىنىڭ نەگىزگى مىندەتى سول كاسىپورىندارمەن، كاسىپوداقتارمەن بىرىگىپ، سول مەموراندۋمداردا قابىلدانعان مىندەتتەردى ورىنداۋ كەرەك. بۇل ماسەلەنى ايدىڭ اياعىندا ءۇشجاقتى كوميسسيانىڭ وتىرىسىندا قارايمىز. مەنىڭ ويىمشا، بۇل جەردە ەڭ نەگىزگى جۇمىس كاسىپوداقتا بولۋى قاجەت. كاسىپوداق بۇل جۇمىستا ءالى دە بولسا ءوزىنىڭ السىزدىگىن كورسەتىپ وتىر»، - دەدى ب. ساپاربايەۆ.

«قازىرگى تاڭدا الەمدەگى ەكونوميكالىق داعدارىس قازاقستاننىڭ ەكونوميكاسىنا ءوزىنىڭ اسەرىن ءالى تيگىزە قويعان جوق، ءبىراق وزگە مەملەكەتتەرمەن قارىم-قاتىناستا بولعاننان كەيىن، ارينە ونىڭ دا ىقپالى تيەدى. ءبىز قانشا ادامنىڭ جۇمىستان بوساعانى جايىندا كۇندەلىكتى مالىمەت الىپ وتىرامىز. ءبىر جارىم ايدىڭ ىشىندە 2,5 مىڭعا جۋىق ادامدار جۇمىستان بوسادى، سوندىقتان دا ءبىزدىڭ ەڭ نەگىزگى ماقساتىمىز - قانداي دا ءبىر قيىنشىلىقتار بولماسىن، جۇمىستان بوسايتىنداردىڭ سانىن كوبەيتپەۋىمىز كەرەك. سونىمەن قاتار جۇمىسسىزداردىڭ دا ماسەلەسىن شەشۋ باستى نازاردا بولۋى قاجەت»، - دەدى ب. ساپاربايەۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى