قازاقستان ي ى ۇ- نىڭ ازىق-تۇلىك قاۋىپسىزدىگى جونىندەگى شتاب-پاتەرىن استانادا ورنالاستىرۋعا مۇددەلى - ن. نازاربايەۆ
«قازاقستاننىڭ ۇجىمدىق قاۋىپسىزدىك شارتى ۇيىمى اياسىنداعى ىنتىماقتاستىعى دا جەمىستى دامۋ ۇستىندە. يسلام ىنتىماقتاستىق ۇيىمىمەن بايلانىسىمىز دا جاڭا دەڭگەيگە شىقتى. بۇعان اعىمداعى جىلى «الماتى - يسلام الەمىنىڭ مادەني استاناسى» تاقىرىبىمەن وتەتىن اۋقىمدى شارالار دا تىڭ سەرپىن بەرمەك. جالپى، قازاقستان يسلام ىنتىماقتاستىق ۇيىمىنىڭ ازىق-تۇلىك قاۋىپسىزدىگى جونىندەگى شتاب-پاتەرىن استانادا ورنالاستىرۋ ۇدەرىسىنىڭ اياقتالۋىنا مۇددەلى»، - دەدى ن. نازاربايەۆ.
بۇدان بولەك، ەلباسى قازاقستاننىڭ تۇركى تىلدەس مەملەكەتتەردىڭ تۇركى كەڭەسى اياسىندا ەكونوميكالىق، مادەني-گۋمانيتارلىق بايلانىستاردى نىعايتۋعا نيەتتى ەكەنىن جەتكىزدى.
«قازاقستان ەكونوميكالىق ىنتىماقتاستىق جانە دامۋ ۇيىمىنا قوسىلۋ باعىتىندا كەلىسسوزدەر جۇرگىزىپ كەلەدى. وسىعان قاتىستى ارنايى حاتتاماعا دا قول قويىلدى. قازاقستاننىڭ «دامۋعا رەسمي كومەك تۋرالى» زاڭدى قابىلداۋىنىڭ ءوزى بەلسەندى سىرتقى ساياساتىنىڭ كورسەتكىشى بولىپ تابىلادى»، - دەدى ن. نازاربايەۆ.
اۆتور: قانات مامەتقازى ۇلى
