ەكونوميكالىق ءوسىم جاعىنان قىتايدى ارتقا تاستادى

ارينە، بارلىق سالا جاعىنان دەۋ ارتىق بولار. تەك ساتىپ الۋ قابىلەتىنىڭ پاريتەتى بويىنشا ەسەپتەلگەن كورسەتكىش جونىندە عانا.

قىتايدىڭ ساتىپ الۋ قابىلەتىنىڭ پاريتەتى بويىنشا ءى ج ءو كورسەتكىشى 17,6 تريلليون بولسا، ا ق ش بۇل ءوسىم بويىنشا 2 تريلليونعا ارتتا قالعان. وسىلايشا، 2014 - جىلدىڭ قورىتىندىسى بويىنشا قىتاي رەسمي تۇردە الەم ەكونوميكاسىنىڭ كوش باسشىسىنا اينالادى دەگەن بولجام جاسالۋدا.

ال 2020 - جىلعا قاراي ءى ج ءو ءوسىمى جاعىنان قۇراما شتاتتاردان 20 پايىزعا العا شىعۋى دا ىقتيمال. ءبىراق اراعا كوپ ۋاقىت سالماي، ءۇندىستان ەكونوميكالىق ءوسىم جاعىنان قىتايدى ارتقا تاستادى. ساراپشىلاردىڭ ەسەبىنە قاراعاندا، ءۇندىستاننىڭ جالپى ىشكى ءونىمى 2014 - جىلدىڭ سوڭعى توقسانىندا 7,5 پايىزدى قۇراسا، قىتايدا بۇل كورسەتكىش 7,3 پايىزدى قۇراعان. وسىنىڭ ءوزى-اق ءبىراز ايىرماشىلىقتى كورسەتسە كەرەك-تى.

بۇدان ءبىراز بۇرىن حالىقارالىق ۆاليۋتا قورى 2016 - جىلى ءۇندىستان ءوزىنىڭ ەڭ باستى باسەكەلەسى قىتايدى ەكونوميكالىق كورسەتكىشتەر بويىنشا باسىپ وزادى دەگەن بولجام جاساعان ەدى. الايدا بولجام ۋاقىتىنان بۇرىن اقيقاتقا اينالىپ وتىر.

ءبىر ايتا كەتەتىن جايت، 2011 - جىلى تۇتىنۋشىلىق قابىلەتى جاعىنان ءۇندىستان جاپونيانى باسىپ وزىپ، ءۇشىنشى الەمدىك دەرجاۆاعا اينالعان ەدى. ساراپشىلاردىڭ ەسەبىنە ۇڭىلەتىن بولساق، ءۇندىستان قىتايدان ەكى باعىت بويىنشا باسىمدىق تانىتا الادى ەكەن.

ءبىرىنشىسى -  ساياسي جۇيە (بۇل سالا باتىستىق مودەلگە جاقىن)، ەكىنشىسى -  ادام سانى جاعىنان. 2030 - جىلى ءۇندىستان ادام سانى جاعىنا قىتايدى ارتقا تاستاپ، الەم بويىنشا ءبىرىنشى ورىنعا كوتەرىلمەك. سونىمەن قاتار بۇل ەلدە وقىعان بىلىكتى ماماندار قارسىلاسىنا قاراعاندا وتە كوپ. سوندىقتان بولار ينفراقۇرىلىم جەدەل دامۋدا. «بۇل -  باسىمدىلىقتىڭ ءبىر قىرى» دەسەدى ولار.

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى