الماتى وبلىسىندا بۇركىتشىلەر سايىسى ءوتتى - فوتو

«سونار» جىل سايىنعى جارىستارى رەسپبۋليكالىق سپورت كوميتەتىنىڭ كۇنتىزبەلىك جوسپارى بويىنشا «قىران» رەسپۋبليكالىق قورىنىڭ باستاماسىمەن جانە الماتى وبلىسى اكىمدىگىنىڭ قولداۋىمەن قازاقتىڭ اڭعا تۇسەتىن قۇستارىن باپتاۋ جونىندەگى ۇلتتىق داستۇرلەرىن دامىتۋ ماقساتىندا وتكىزىلىپ كەلەدى.

رەسپۋبليكالىق جارىستارعا اقمولا، اتىراۋ، شىعىس قازاقستان، قىزىلوردا، قاراعاندى، جامبىل، الماتى وبلىستارىنان جانە استانا قالاسىنان 8 كوماندا، بارلىعى 44 بۇركىتشى 5 قارشىعاشى قاتىستى. ىرىكتەۋ تۋرىنان كەيىن فينالعا 17 بۇركىتشى مەن 5 قارشىعا سالۋشى شىقتى.

فينالدىق تۋرلار بارىسىندا اڭعا تۇسەتىن قۇستار كوگەرشىن، قويان، تۇلكى اۋلادى. ۇلتتىق كيىم كيگەن بۇركىتشى ءوزىنىڭ باپتاعان قۇسىن ماقتانىشپەن اڭعا سالدى.

سايىس قورىتىندىسىندا بۇركىتشىلەر اراسىندا 1- ورىندى ەڭبەكشى قازاق اۋدانىنىڭ نۇرا اۋىلىنان ايبەك وتەگەن يەلەندى. ەكىنشى ورىندا - وڭتۇستىك قازاقستاننان باۋىرجان ءتاجىباي، ال ءۇشىنشى ورىندى الماتى وبلىسىنان ايان سەيىتجان جەڭىپ الدى.

قارشىعا سالۋشىلار اراسىنان جامبىلدىق قۇسبەگىلەر - ءبىرىنشى ورىندى سەرىكبولسىن جالعاس ۇلى، ەكىنشى ورىندى باعداۋلەت باباجانوۆ، ءۇشىنشى ورىندى بەرىكبولسىن باباجانوۆ يەلەندى.

جارىس سوڭىندا جەڭىمپازدار مەن جۇلدەگەرلەرگە ديپلومدار مەن اقشالاي سىيلىقتار تاپسىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى