ب ق و: ءۇش قىزمەتكەردى زاڭسىز قىسقارتقانى ءۇشىن مەكەمە ديرەكتورى جاۋاپقا تارتىلدى

ب ق و پروكۋراتۋراسىنىڭ باسپا ءسوز قىزمەتىنەن تۇسكەن مالىمەتكە قاراعاندا، جۇمىس بەرۋشى شتاتتى قىسقارتقان كەزدە ەڭبەك كودەكسىنىڭ 147-بابى 2-تارماعى 1-تارماقشاسى تالاپتارىن بۇزىپ، جۇمىسپەن قامتۋ جونىندەگى ۋاكىلەتتى ورگانعا مالىمەت بەرمەگەن.

سونىمەن قاتار ەڭبەك شارتىن بۇزعاندا ەڭبەك كودەكسىنىڭ 56-بابى 5-تارماعىنا سايكەس قىزمەتكەردى باسقا جۇمىسقا اۋىستىرۋ شاراسىن الماعان.

پروكۋروردىڭ نارازىلىعىنا سايكەس ءۇش قىزمەتكەر جۇمىسقا قايتا قابىلداندى. ولاردى جۇمىستان بوساتۋ جونىندەگى بۇيرىقتار زاڭسىز دەپ تانىلدى.

م. ەرمەكبايەۆ «سىبايلاس جەمقورلىقپەن كۇرەس تۋرالى» ق ر زاڭى 12-بابى 1-تارماعى 12-تارماقشاسىنا سايكەس قۇقىعى مەن زاڭدى مۇددەلەرىن جۇزەگە اسىرۋدا جەكە تۇلعالارعا كورىنەۋ كەدەرگى جاساعانى ءۇشىن قىزمەتىنە تولىق سايكەس ەمەستىگى تۋرالى ەسكەرتۋ تۇرىندەگى تارتىپتىك جاۋاپكەرشىلىككە تارتىلدى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى