حالىقارالىق ىزدەۋدە جۇرگەن تۇركيا ازاماتى استانادا ۇستالدى

تۇركيانىڭ 65 جاستاعى ازاماتىن 15 - اقپان كۇنى استانا حالىقارالىق اۋەجايىنداعى جەلىلىك ىشكى ىستەر قىزمەتكەرلەرى استانا - ماسكەۋ رەيسىنىڭ ءتولقۇجات باقىلاۋى كەزىندە ۇستادى.

«تەكسەرۋ بارىسىندا تۇركيا ازاماتىنىڭ تۇركيادا الاياقتىق جاساعانى ءۇشىن حالىقارالىق ىزدەۋدە جۇرگەنى، وعان «قاماۋعا الۋ» بۇلتارتپاۋ شاراسى بەلگىلەنگەنى انىقتالدى، ىزدەۋگە تۇركيا ينتەرپولى مۇرىندىق بولدى»، - دەلىنگەن حابارلامادا.

قازىرگى ۋاقىتتا تۇرىك ازاماتى استانا قالاسى ءى ءى د ۋاقىتشا ۇستاۋ يزولياتورىندا وتىر، كەيىن ەلىنە ەكستراديتسيالانادى.

ەسكە سالا كەتەيىك، بۇعان دەيىن استانادا ىزدەۋ جاريالانعان التى قىلمىسكەردىڭ ۇستالعانى حابارلانعان بولاتىن. ولاردىڭ اراسىندا شەتەل ازاماتتارى دا بار. ايتالىق، ەسىل اۋدانىنداعى سارايشىق كوشەسىندە وزبەكستاننىڭ 1978 - جىلى تۋعان ازاماتى قولعا ءتۇستى.

كوشى-قون پوليتسياسى قىزمەتكەرلەرىنىڭ مالىمەتىنشە، ول قازاقستاننىڭ مەملەكەتتىك شەكاراسىن ەشقانداي قۇجاتسىز، ياعني قاساقانا زاڭسىز كەسىپ وتكەن. سونداي-اق «قۇقىق ءتارتىبى» شاراسى بارىسىندا كريمينالدىق پوليتسيا باسقارماسىنىڭ ماماندارى قىرعىزستان ازاماتشاسىن دا ۇستادى. وعان بىشكەكتە الاياقتىق جانە جالعان قۇجات جاساۋ سياقتى قىلمىستارى ءۇشىن ىزدەۋ جاريالانعان. «تەرگەۋ يزولياتورىنا قامالعان ايەل جۋىق ارادا ەكستراديتسيالانۋى مۇمكىن»، - دەپ حابارلادى سول كەزدە استانا ءى ءى د باسپا ءسوز قىزمەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى