سىرتقى ىستەر ءمينيسترى الەمدىك جانە ءداستۇرلى دىندەردىڭ بيىلعى سيەزىنە ەرەكشە ءمان بەرىلۋ سەبەبىن ءتۇسىندىردى
ايتا كەتەيىك، الەمدىك جانە ءداستۇرلى دىندەر كوشباسشىلارىنىڭ V سەزى ماۋسىم ايىندا استانادا وتەدى.
«الەمدە ورىن الىپ جاتقان تاتۋلىقتى تارك ەتۋ مەن جەككورۋشىلىكتى قوزدىرۋ، كسەنوفوبيا - مۇنىڭ ءبارى كوپكونفەسسيالى قوعامدى جىككە ءبولىپ، وركەنيەتتەر قاقتىعىسىن تۋدىرادى، تۇسىنبەۋشىلىكتەردىڭ تۋىنداۋىنا سەپ بولىپ، باتىس پەن شىعىس اراسىندا تۇتاستاي سەنىمسىزدىكتى ارتتىرا تۇسەدى. مىنە، ءدال وسى تۇرعىدان العاندا قازاقستاننىڭ الەمدىك جانە ءداستۇرلى دىندەر كوشباسشىلارىنىڭ سەزىن شاقىرۋ تۋرالى باستاماسى - اسا وزەكتى. بيىل V وتىرىسى استانادا ماۋسىم ايىندا وتەتىن دىندەر فورۋمىنىڭ وزەكتىلىگى مەن قاجەتتىلىگى سوندىقتان دا ارتا تۇسپەك. وسىعان بايلانىستى ءبىز سەزدى جوعارى مازمۇندا ۇيىمداستىرۋ مەن وتكىزۋگە ۇلكەن ءمان بەرمەكپىز»، - دەدى ە. ىدىرىسوۆ.
اۆتور: قانات مامەتقازى ۇلى
