قازاقستاندا باستاۋىش سىنىپتاردا ءبىلىم بەرۋدىڭ جاڭارتىلعان ستاندارتى ەنگىزىلەدى

 بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر ءبىلىم جانە عىلىم ءمينيسترى اسلان ءسارىنجىپوۆ ءمالىم ەتتى.

 «اعىمداعى جىلدىڭ قىركۇيەگىنەن باستاۋىش سىنىپتاردىڭ جاڭارتىلعان ستاندارتتارى بويىنشا وقىتۋدى 30 مەكتەپتە بەيىمدەۋدى باستايمىز، ال 2016 - جىلدىڭ قىركۇيەگەندە بارلىق مەكتەپتەردە ىسكە قوسامىز. ياعني، 2016 - جىلى ءبىرىنشى سىنىپ، 2017 -جىلى 2- سىنىپقا ەنگىزىپ، وسىلايشا بىرتىندەپ بارلىق باعدارلامانى جاڭارتاتىن بولامىز»، - دەدى مينيستر ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، بۇل بىرىكتىرىلگەن باعدارلاما بولماق.

«جاڭارتىلعان باعدارلامادا داعدى مەن قۇزىرەت بەرۋ كومپونەنتتەرى جانە تاربيە بەرۋ جۇمىستارى كۇشەيتىلەدى. بۇل بىرىكتىرىلگەن باعدارلاما بولماق: سىني ويلاۋ داعدىسى، كوماندادا جۇمىس ىستەۋ، اقپارات ىزدەۋ. ولار بارلىق پاندەرگە بىرىكتىرىلەدى. وسىلايشا ءبىز باعدارلامالارىمىزدى حالىقارالىق ستاندارتتارعا سايكەستەندىرەمىز»، - دەدى ا. ءسارىنجىپوۆ.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى