مينسك ۇدەرىسىنە ىلگەرى جىلجىتۋعا ەلباسى ن. نازاربايەۆتىڭ قوسقان ۇلەسى زور بولدى

سىرتقى ساياسات باسشىسى ءسوز اراسىندا مينسكىدە بىلتىرعى جىلدىڭ تامىز ايىندا ە ا ە و ۇشتىگى، ەۋروپالىق وداق پەن ۋكراينا باسشىسى اراسىندا العاشقى كەزدەسۋ وتكەنىن، بۇل كەزدەسۋ 5 جانە 19- قىركۇيەكتە مينسك كەلىسىمىنە قول قويۋعا نەگىز بولعانىن اتاپ ءوتتى. «ايتسە دە، ۇرىستى توقتاتۋعا باعىتتالعان ول كەلىسىم ساقتالعان جوق. سونىڭ سالدارىنان جەلتوقسان-قاڭتار ارالىعىندا كۇش قولدانۋ كۇرت ارتىپ، مينسك كەلىسىمى ورىندالمايتىن دەڭگەيگە جەتتى. وسىعان بايلانىستى ەلباسى ن. نازاربايەۆ جەلتوقسان ايىندا بەيبىتشىلىكتىڭ ساقتالۋىنا قاتىستى بەلسەندى ارەكەتتەرگە باردى. پرەزيدەنت الدىمەن مينسكىگە، سوسىن بىردەن ماسكەۋگە باردى، بۇدان سوڭ فرانسيا پرەزيدەنتى وللاندتىڭ ەلىمىزگە ساپارى بارىسىندا، كۇنى بويى ۋكرايناداعى داعدارىس تۋرالى اڭگىمە ءوربىدى. ودان كەيىنگى كەزدە وللاند مىرزانىڭ قازاقستاننان شىعىپ، ماسكەۋگە جوسپارلانباعان ايالداماسى دا بارىنە بەلگىلى. ال قاڭتار ايى بويى ءبىز «نورماند تورتتىگىنىڭ» كەزدەسۋىن كۇتتىك، الدىمەن بۇل استانادا وتەدى دەلىنگەن. الايدا قيسىندى سەبەپتەرگە بايلانىستى ول ەلىمىزدە بولعان جوق»، - دەپ ءتۇسىندىردى س ءى م ە. ىدىرىسوۆ.

ونىڭ ايتۋىنشا، ۋكراينا داعدارىسى توڭىرەگىندەگى ەلباسى ن. نازاربايەۆتىڭ گەرمانيا كانتسلەرىمەن، ۋكراينا جانە رەسەي پرەزيدەنتتەرىمەن اڭگىمەسى ناتيجەلى بولدى، سونىمەن قاتار، قازاقستان ۋكراينا احۋالىن رەتتەۋ ۇدەرىسىندە ماڭىزدى ءرول اتقاردى. «دەگەنمەن، ۋكراينا ءالى دە داعدارىستان ارىلعان جوق، جاعداي كۇردەلى. قاقتىعىستارعا قاتىسىپ وتىرعان مەملەكەتتەر اراسىنداعى قايشىلىقتار ۇستانىمىنا قاراماستان داعدارىستان شىعۋ جولدارى دا جوق ەمەس»، - دەدى س ءى م.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى