بايان ەسەنتايەۆا «كەشيۋ» توبىنىڭ جاڭا قۇرامىمەن تانىستىردى - فوتو

«كەشيۋ» توبىنىڭ جاڭا انشىلەرىمەن تانىستىرعىم كەلەدى. اقبوتا سەيتماعامبەت، 18 جاستا. چايكوۆسكي اتىنداعى مۋزىكا كوللەدجىنىڭ ستۋدەنتى. و ق و كەنتاۋ قالاسىنىڭ تۋماسى. ول ءبىزدىڭ ۇلكەن ءۇمىتىمىز!»، - دەپ جازدى پروديۋسەر فوتو كوممەنتاريىنە.

ب. ەسەنتايەۆا تانىستىرۋىن ارى قاراي جالعاستىردى.

«بالجان بيداش، 19 جاستا. ەلەبەكوۆ اتىنداعى ەسترادالىق- سيرك كوللەدجىنىڭ ستۋدەنتى. ءتۇرلى بايقاۋلاردىڭ لاۋرەاتى. شىعارماشىلىق جانۇيادا تۋعان. سىر ەلىنىڭ تالانتتى تۋماسى، بولاشاعى جارقىن، ماقساتى ايقىن!»، - دەپ قوستى ول.

«جۇلدىز ءومىرعالي، 19 جاستا. رىسقۇلوۆ اتىنداعى ۇ ە ۋ- دا «الەمدىك ەكونوميكا» ماماندىعى بويىنشا ءبىلىم الۋدا. الماتى وبلىسى ۇزىناعاشتا سۋرەتشىلەر جانۇياسىندا تۋعان. دارىندى قىز!»، - دەدى پروديۋسەر.

اتاپ ءوتۋ كەرەك، جاڭا قۇرامداعى توپ 13- اقپاندا الماتىدا وتكەن ەسكەندىر حاسانعاليەۆتىڭ شىعارماشىلىق كەشىندە ونەر كورسەتتى.

ەسكە سالا كەتەيىك، توپتاعى وزگەرىستەر تۋرالى ب. ەسەنتايەۆا اعىمداعى جىلدىڭ باسىندا حابارلاعان. توپتىڭ بۇرىنعى ءانشىسى كامشات جولدىبايەۆا جەكە ءانشىنىڭ كارەراسىن، ال ايدانا مەدەنوۆا ديزاينەرلىك قىزمەتپەن اينالىساتىن بولدى.

بۇرىن بۇل توپ قۇرامىندا ءمولدىر اۋەلبەكوۆا، انەل ارىنوۆا جانە جانار دوعالوۆا بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى