باۋىرجان رەتبايەۆ «قازاقستان داۋىسى» جوباسىنىڭ جەڭىمپازى اتاندى - كەسكىن

«قازاقستان» ۇلتتىق ارناسىنان جارتى جىلدان استام ۋاقىتتان بەرى كورسەتىلىپ كەلە جاتقان «قازاقستان داۋىسى» تەلەجوباسى كەشە اياقتالدى. جوبانىڭ اقتىق سىنىندا تالىمگەرلەرىنىڭ قولداۋىنا يە بولىپ، كورەرمەندەردىڭ ەڭ كوپ داۋىسىن جيناعان 4 ۇمىتكەر باق سىنادى. ولار: باۋىرجان رەتبايەۆ، دانيار يسمايلوۆ، ينديرا ەدىلبايەۆا جانە ماقسات ماقۇلبەكوۆ. 

فينالدىق باسەكەنىڭ العاشقى اينالىمىندا ينديرا ەدىلبايەۆا روزا رىمبايەۆامەن قوسىلىپ ءان شىرقاسا، دانيار يسمايلوۆ «قازاقستان داۋىسى» جوباسىنىڭ وتكەن ماۋسىمداعى جەڭىمپازى شاھاريزات سەيداحمەتپەن بىرگە «اعاجان» ءانىن ايتتى. الماستىڭ شاكىرتى باۋىرجان رەتبايەۆ حالىقارالىق «تۇركۆيجن-2014» بايقاۋىنىڭ جەڭىمپازى جانار دۇعالوۆامەن «سەن ەمەس» ءانىن ورىندادى. ال مەدەۋ ارىنبايەۆتىڭ شاكىرتى ماقسات ماقۇلبەكوۆ وپەرا جۇلدىزى سۇندەت بايعوجينمەن بىرگە «جان انا» دەپ اتالاتىن ءاندى شىرقادى.

 ءتورت ۇزدىكتىڭ اراسىنان سۋىرىلىپ شىققان ماڭعىستاۋلىق باۋىرجان رەتبايەۆ جوبانىڭ باس جۇلدەسى 5 ميلليون تەڭگەگە يە بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى