تاربيەلەۋ ماقساتىندا ءوز بالاسىن ۇرلاعاندار تۇتقىندالدى
بۇعان ءالى وڭ مەن سولىن تولىق تانىپ بولماعان بالانىڭ اڭقاۋلىعى سەبەپ بولعان. ناقتىراق ايتقاندا، بالا كوشەدەگى بەيتانىس بوگدە ادامدارعا تىم سەنگىشتىگى، الدىنان كەزدەسكەندەرگە ەركەلەيتىنى اتا- اناسىن الاڭداتقان كورىنەدى.
ەرتەڭ قاسكۇنەم بىرەۋ ونىڭ سەنگىشتىگىن پايدالانىپ، ومىرىنە قاتەر توندىرە مە دەگەن قاۋىپپەن ءارى وعان ساباق بولسىن دەگەن نيەتپەن «بالا ۇرلاۋ وپەراتسياسىن» ۇيىمداستىرادى. بالانىڭ اتا-اناسى بۇل ويلارىن جۇزەگە اسىرۋ ءۇشىن تانىستارىنىڭ كومەگىنە جۇگىنەدى. ايتىلعان كۇنى ۇرلىقشىنىڭ ءرولىن ويناۋى ءتيىس ەر ادام مەكتەپتەن قايتقان بالانى ۇستاپ الىپ، ونىڭ قول- اياعىن بايلاپ، سارايعا قاماپ تاستايدى دا وعان «ەندىگارى اكە- شەشەڭدى كورمەيتىن بولاسىڭ» دەپ، قالتاسىنداعى تاپانشاسىن كەزەپ، بالانى قورقىتادى.
ارتىنان بالانى بوساتىپ، جوعارىعا كوتەرىلۋگە رۇقسات بەرەدى. ونى ول جەردە اكە- شەشەسى مەن تۋىستارى كۇتىپ وتىرعان ەدى. وسى ۇرلىقتى ۇيىمداستىرعانداردىڭ بارلىعى تۇتقىندالدى. ونىڭ اناسىن كامەلەت جاسىنا تولماعان بالانى ۇرلاۋعا قاتىستى ءارى بالاعا قاتال قارادى دەگەن ايىپ تاعىلدى.
الايدا، وسى «وپەراتسيانى» ۇيىمداستىرعاندار بۇدان ەشقانداي سوكەتتىك كورمەيتىندەرىن ايتىپ، ءوز كىنالارىن مويىنداعان جوق. بالاعا قامقورشىلار تاعايىندالدى.
islam.kz
