وقۋلىقتان قاتە تابىلدى

ءدىن ساراپشىلارىنىڭ ايتۋىنشا، وندا يدەولوگيالىق ورەسكەل قاتەلىك كەتكەن.

WhatsApp مەسسەندجەرىنىڭ ارنايى توبىندا پايدا بولعان اقپاراتقا قاراعاندا تانىمال تاتار عالىمى اھمادقادى ماقسۋدي كۋرسى بويىنشا قۇراستىرىلعان قاسيەتتى قۇراندى وقىتۋ جونىندەگى وقۋ قۇرالىندا حانافي ءمازھابىنا قايشى كەلەتىن تۇستارى بار.

وندا مۇسىلماندار حانافي ءمازھابى بويىنشا تەك جۇرەكپەن جانە تىلمەن عانا يمان كەلتىرىپ قانا قويماي ىسپەن دە كورسەتۋى قاجەت ەكەنى ايتىلعان. ياعني، ىسپەن كورسەتۋى ءتيىس دەگەندە كۇنىنە بەس ۋاقىت مىندەتتى تۇردە ناماز وقۋ كەرەكتىگى ايتىلعان.

حانافي ءمازھابى بويىنشا بۇل پارىز بولىپ تابىلعانىمەن يماندى ءبىلدىرۋدىڭ ناقتى شارتى بولىپ تابىلمايدى. ال سالافشىلار كۇنىنە بەس ۋاقىت ناماز وقىماعان ادامدى كاپىر سانايدى. ساراپشىلار مۇنى تەك ورەسكەل قاتەلىككە جاتقىزىپ قانا قويماي، شەكتەن شىققان راديكاليزمگە دەيىن اپاراتىن كونتسەپتۋالدى ماسەلە رەتىندە قاراستىرىپ وتىر.

islam.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى