ەلىمىزدە تۇڭعىش رەت رەسپۋبليكالىق يمامدار فورۋمى وتەدى

بۇل تۋرالى muftyat.kz سايتى حابارلادى.

سايتتىڭ جازۋىنشا، قازاقستان مۇسىلماندارى ءدىني باسقارماسى وتكىزەتىن رەسپۋبليكالىق يمامدار فورۋمىنا ەلىمىز بويىنشا 500 گە جۋىق وكىل يمامدار مەن اۋدان، اۋىل مولدالارى قاتىسادى.

اتالمىش شارا بارىسىندا ەلىمىزدىڭ قوعام جانە مەملەكەت قايراتكەرلەرى، اتاپ ايتقاندا، باس ءمۇفتي ەرجان قاجى مالعاجى ۇلى، قوعام قايراتكەرى مىرزاتاي جولداسبەكوۆ، رەسپۋبليكالىق ارداگەرلەر ۇيىمىنىڭ ءتوراعاسى ءومىرزاق وزعانبايەۆ سىندى تانىمال تۇلعالار قاتىسىپ، بايانداما جاسايدى.

فورۋمدا ءدىن سالاسىنداعى وزەكتى ماسەلەلەر قوزعالىپ، ولاردى ەڭسەرۋ جولدارى تالقىلانادى. فورۋم جۇمىسىنىڭ باستى ماقساتى - «قازاقستان مۇسىلماندارىنىڭ تۇعىرناماسى»، «شىنايى مۇسىلماننىڭ تۇلعالىق كەلبەتى»، «يمامنىڭ تۇلعالىق بەينەسى» جانە «ءدىن قىزمەتكەرىنىڭ قىزمەتتىك ەتيكاسى» سياقتى ماڭىزدى قۇجاتتار قابىلدانادى دەپ كۇتىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى