بالالارعا ماماندىق تاڭداۋعا كومەك بەرەتىن سىنىپ اشىلدى

مۇندا وقۋشىلار كاسىبي مامانداردان جان-جاقتى كەڭەس الادى. وكىنىشكە قاراي، اتا-اناسىنىڭ ايتقانىمەن كوڭىلى قالامايتىن وقۋعا ءتۇسىپ، كەيىن ونى تاستاپ كەتەتىن جاعدايلار قازىر ءجيى كەزدەسەدى.

يگى باستاما وسى ولقىلىقتىڭ الدىن الۋعا مۇمكىندىك بەرەدى. وقۋشى كەلەشەكتە قاي ماماندىقتى قالايتىنىن ءوزى شەشۋى ءتيىس. ال ارنايى سىنىپتا وعان تەك باعىت-باعدار مەن قاجەتتى اقپاراتتار بەرىلەدى.

ماسەلەن، ماماندىقتىڭ ەرەكشەلىگى، جالاقى كولەمى قانشالىقتى سۇرانىسقا يە ەكەندىگى جايلى تولىققاندى ماعلۇمات الا الادى. مۇعالىمدەردىڭ ايتۋىنشا، سىنىپقا كەلەتىن وقۋشىلاردىڭ %90 ى تەحنيكالىق ماماندىقتاردى قالايدى ەكەن.

وقۋ جىلىنىڭ سوڭىنا دەيىن مۇنداي سىنىپتار وبلىستاعى ءاربىر ونىنشى مەكتەپتە اشىلماق.

سىمبات ءىلياشوۆا، پسيحولوگ- ۇستاز:

- اقپاراتتىق-اعارتۋشىلىق باعىت بويىنشا جۇمىس جاساعاندا، ءبىز ناقتى بەلگىلى ءبىر ماماندىق كورىنىسىن بالا بويىندا قالىپتاستىرۋعا جاعداي جاسايمىز. ال ەندى دياگنوستيكا بويىنشا ءبىز ەكى ءتۇرلى باعىتتا جۇمىس ىستەيمىز. بالالاردىڭ تۇلعالىق قالىپتاسۋىنىڭ قانشالىقتى دەڭگەيدە ەكەنىن انىقتاۋعا جانە بالالاردىڭ قانداي كاسىپكە بەيىم ەكەنىن، كاسىبي باعدارىن انىقتاۋعا كومەكتەسەمىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى