الماتىدا جوعالىپ كەتكەن بويجەتكەن تابىلدى
بۇل تۋرالى قالالىق ءى ءى د باسپا ءسوز قىزمەتى حابارلادى.
17 جاستاعى ايتولقىن مەن 18 جاستاعى جىگىت وسى ۋاقىتقا دەيىن جەكە ءۇيدى جالداپ تۇرعان.
بويجەتكەن ۇيىنەن ءوز ەركىمەن كەتكەنىن، ونى بارلىعى ىزدەپ جاتقانىن بىلگەندىگىن جەتكىزدى. ەشكىمنىڭ تاپقانىن قالاماعان ايتولقىن تەلەفونىن ادەيى ءوشىرىپ تاستاعان.
«ايتولقىن 2 - اقپان كۇنى وقۋ ورنىنان شىعىپ كەتكەن، سودان بەرى ەشكىم كورمەدى. مەدەۋ اۋداندىق پوليتسياعا اناسى ريتا حابارلاسقان. كامەلەتكە تولماعان جاس بالا جوعالعان سوڭ ىزدەستىرۋ ءىسى بىردەن قولعا الىندى. قۇرامىنا تاجىريبەلى كريمينياليستەر كىرگەن ارنايى جەدەل توپ قۇرىلدى. قىزدىڭ اينالاسىنداعى قۇربىلارىنان، تۋىستارىنان سۇراق- جاۋاپ الىندى. اناسى ول مۇرات ناۋرىزبەك دەگەن جىگىتپەن كەزدەسۋگە كەتۋى مۇمكىن ەكەندىگىن ايتقان ەدى. بۇل كەزدەسۋگە اناسى رۇقسات بەرمەگەن كورىنەدى»، - دەدى مەدەۋ اۋداندىق ىشكى ىستەر باسقارماسىنىڭ باسشىسى ەرلان ورالبەكوۆ.
تۋعاندارى ايتولقىن ەرجاننىڭ جوعالعانى تۋرالى الەۋمەتتىك جەلىلەردە حابارلاعان.
ول بازار اۋدانىندا جۇمىس ىستەيتىن 1996 - جىلى تۋعان مۇرات ناۋرىزبەكوۆپەن «درۋگۆوكرۋگ» الەۋمەتتىك جەلىسى ارقىلى تانىسقان كورىنەدى.
قازىر ايتولقىن امان- ساۋ اتا- اناسىنا جەتكىزىلدى.
اۆتور: گۇلميرا عوسمانالي
