حالىقارالىق وليمپيادا كوميتەتىنىڭ وكىلدەرى الماتىنىڭ دايىندىعىن جوعارى باعالادى - فوتو
جوعارى دارەجەلى قوناقتار قالاداعى بىرنەشە وليمپيادا نىساندارى «اقبۇلاق»، «مەدەۋ»، «شىمبۇلاق»، «تاباعان» كەشەندەرىن، «ا ي ب ا» بوكس اكادەمياسىن ارالاپ كوردى.
ءوز كەزەگىندە «ۋنيۆەرسيادا-2017» اتقارۋشى ديرەكتسياسى» مەملەكەتتىك قورىنىڭ ديرەكتورى يليا ورازاقوۆ ح و ك وكىلدەرىنىڭ تاراپىنان قالانىڭ دايىندىعى جوعارى باعالانعانىن جەتكىزدى.
«ءبىز ولارعا ناقتى جوسپارىمىزدى تەحنيكالىق تۇرعىدان كورسەتتىك. كوميسسيا مۇشەلەرىن الاڭداتقان سۇراقتارعا جاۋاپ بەردىك. وليمپيادا كۇن ءتارتىبىن تالقىلاعان كەزدە ح و ك مۇشەلەرى باعدارلامانىڭ بارىنشا ناقتى بولۋىن، ءارى نىسانداردىڭ كەيىن قاڭىراپ بوس قالماي، ىسكە اسۋىن تالاپ ەتتى»، - دەدى يليا ورازاقوۆ.
ونىڭ ايتۋىنشا، باعالاۋ كوميسسياسىنىڭ مۇشەلەرى ەكولوگيالىق ماسەلەلەرگە باسا ءمان بەردى.
«قارسىلاسىمىز پەكينمەن سالىستىرعاندا الماتىنىڭ ەكولوگيالىق احۋالى اناعۇرلىم جاقسى. سوندا دا «قازاقستان-2050» دامۋ ستراتەگياسىنا سايكەس وليمپيادا ويىندارىنىڭ تۇجىرىمداماسىنا دا ەكولوگيالىق احۋالدى جاقسارتۋعا قاتىستى بىرنەشە پۋنكتتەردى ەنگىزدىك.
ماسەلەن، ەكولوگيالىق تۇرعىدان تازا وتىنعا كوشۋ. بىلۋىمشە، قالامىزداعى قوعامدىق كولىكتىڭ 40 پايىزى گازعا كوشكەن. مەنىڭ ويىمشا، ەكولوگيالىق احۋال وليمپيادا ويىندارىن وتكىزۋگە كەدەرگى ەمەس، كەرىسىنشە ونى جاقسارتۋ ءۇشىن ستيمۋل بولادى»، - دەدى ي. ورازاقوۆ.
ۇلتتىق وليمپيادا كوميتەتى اتقارۋشى كەڭەسىنىڭ مۇشەسى اندرەي كريۋكوۆ بۇگىنگى كەزدەسۋ بارىسىندا ديرەكتور كريستوفەر دۋبي جاعىمدى پىكىر بىلدىرگەنىن جەتكىزدى. سونىمەن قاتار، ح و ك مۇشەلەرى ءبىرقاتار ەسكەرتۋلەرى مەن ۇسىنىستارىن جەتكىزدى.
سونىمەن قاتار، وليمپيادا نىساندارىن باعالاۋ شاراسىنا قاتىسۋعا امەريكا، قىتاي، فرانسيا، نيدەرلاندى، كانادا ەلدەرىنەن جۋرناليستەر كەلدى.
اۆتور: گۇلميرا عوسمانالي
