استانادا جىلىك مايىن اۋىستىراتىن ءبولىم اشىلدى
ورتالىقتىڭ اشىلۋ ءراسىمى حالىقارالىق بالالار قاتەرلى ىسىگىمەن كۇرەس كۇنى قارساڭىندا وتكىزىلىپ وتىر. دەنساۋلىق جايىندا ولەڭ وقىپ تۇرعان بالالاردىڭ كوڭىلى البىرت بولعانىمەن، كوزدەرى مۇڭعا تولى. اق قان اۋرۋىنا شالدىققان ولاردى ءومىر ەرتە ەسەيتكەن.
ارينە جاس بالا دەرتتىڭ جايىن تۇسىنبەسى انىق. ەسەسىنە ونى مىنا اق حالاتتى ابزال جاندار جاقسى بىلەدى. ەندى ولاردىڭ قولى ۇزارىپ، مۇمكىندىكتەرى ەسەلەندى. بۇگىننەن باستاپ استانادا بالالاردىڭ جىلىك مايىن اۋىستىراتىن ارنايى ءبولىم جۇمىس جاسايتىن بولادى. جىلىك مايىن اۋىستىراتىن بولمەلەر تولىعىمەن جاڭارتىلدى. مامانداردىڭ ايتۋىنشا، وسىدان 10 جىل بۇرىن مۇنداي جاعداي دارىگەرلەر ءۇشىن ارمان بولعان.
ەندى ترانسپلانتاتسيا جاساۋ كولەمىن ۇلعايتۋعا مۇمكىندىك ارتادى. ەكى ونكولوگيا بولىمشەسىندە 90 نان اسا ناۋقاس ەمدەلە الادى. بۇگىنگە دەيىن مۇندا 2 جارىم مىڭعا جۋىق بالا ءتۇرلى ەم- دوم قابىلدادى. بالالاردىڭ ساۋلىعى بارىنەن قىمبات دەگەن دارىگەرلەر كەلەشەكتە بۇل بولىمدە ناۋقاستارعا ارنالعان ورىن مەن جابدىقتاردى زامانعا ساي جاقسارتىپ، كوبەيتۋدى دە كوزدەپ وتىر.
www.24.kz
