وڭتۇستىك قازاقستان وبلىسىندا كوكونىس ەگۋ ناۋقانى باستالدى
ماقتارال - ماقتا وسىرەتىن اۋدان. ءبىراق سوڭعى جىلدارى كەتپەن ۇستاعان ديقان «اق التىندى» ءتيىمدى دەگەن اۋماققا عانا ەگەدى. بۇل نارىق جاعدايىنا ىڭعايلانعانى.
ەرتە پىسەتىن كوكونىستىڭ پايداسى كوپ. كىمنىڭ قىرىققاباتى ءبىرىنشى پىسسە، سول تابىسقا كەنەلەدى. مۇنداعى ديقان نارىق زاڭىن جاقسى مەڭگەرگەن. تەك ساپالى تۇقىم ساتىپ الادى. اۋداندا سوڭعى جىلدارى ماقتالى القاپ 15 مىڭ گەكتارعا ازايعان. بيىل تاعى 10 مىڭ گەكتارعا كەميتىن بولادى. ماقتانىڭ ورنىنا كوكونىس، باۋ- باقشا ەگىپ جاتقان ديقاندار ونىمدىلىكتى ارتتىرۋ ءۇشىن وزىق تەحنولوگيانى قولدانىپ كەلەدى.
اۋداندا ەكى جىلعا ارنالعان اۋىلشارۋاشىلىعىن ءارتاراپتاندىرۋ باعدارلاماسى بار. سونىڭ اياسىندا ءونىمدى شەتەلگە جەتكىزۋدى جىلدامداتۋ ءۇشىن ۇلكەن ساۋدا- لوگيستيكالىق ورتالىق سالىنعالى جاتىر.
