ن. ءسابيليانوۆ: ەلباسىمىزدىڭ ۇلتتىق قوردى قۇرۋ يدەياسى قازىر ءوزىن- ءوزى تولىق اقتاپ وتىر
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر پارلامەنتى ءماجىلىسىنىڭ دەپۋتاتى نۇرتاي ءسابيليانوۆ ايتتى.
«ۇلتتىق قورعا بايلانىستى كەزىندە كوپتەگەن اڭگىمەلەر ايتىلدى. ۇلتتىق قوردى حالىقا تاراتىپ بەرەيىك، بۇل حالىقتىڭ اقشاسى، دەگەندەر دە بولدى. راس، بۇل - حالىقتىڭ اقشاسى. مەنىڭشە، ەلباسىمىزدىڭ ۇلتتىق قوردى قۇرۋ يدەياسى قازىر ءوزىن- ءوزى تولىق اقتاپ وتىر»، - دەدى ن. ءسابيليانوۆ.
حالىق قالاۋلىسىنىڭ اتاپ وتۋىنشە، بۇگىندە ۇلتتىق قور قاراجاتى ەلدەگى قارجى سەكتورىنىڭ تۇراقتىلىعىن قامتاماسىز ەتۋگە، ەكونوميكامىزدى دامىتۋعا، سونىمەن بىرگە حالىقتىڭ ءال- اۋقاتىن ارتتىرۋعا جۇمسالىپ وتىر.
«ەشكىم ەشقايدا الىپ كەتكەن جوق. ونى وزدەرىڭىز كورىپ وتىرسىزدار. ءبىراق، وسىدان جۇمسالاتىن قارجىنى قاتاڭ باقىلاۋعا الۋىمىز كەرەك»، - دەپ باسا ايتقان دەپۋتات مەملەكەت باسشىسى تاپسىرماسىن ورىنداۋ بارىسىندا تياناقتىلىق تانىتۋ قاجەتتىگىن ەسكەرتتى.
اۆتور: مارلان جيەمباي
