تەكەلىدە سيرەك كەزدەسەتىن ماماندىق يەلەرى دايىندالماق
ولار جەر قويناۋىن پايدالانۋ سالاسىنا قاجەتتى بۇرعىلاۋشى-ماشينيست جانە ۇنتاقتاۋشى، سۇرىپتاۋشى سياقتى كاسىپتەر بولادى.
قالانىڭ كاسىپكەرلەر پالاتاسى مەن جەرگىلىكتى جوعارى وقۋ ورنى اراسىندا وسىنداي ىقپالداستىق مەموراندۋمىنا قول قويىلدى. جالپى تەكەلىدە جەر قويناۋىن پايدالانۋ جۇمىستارىمەن ونداعان كاسىپورىن اينالىسادى.
ءبىراق ەڭبەك ەتىپ جۇرگەندەردىڭ اراسىندا ارنايى ماماندىعى بار ادامدار وتە از. وبلىستىڭ كاسىپتىك ءبىلىم بەرەتىن 67 وقۋ ورنى دا بۇل ماماندىقتار بويىنشا كادر دايىندامايدى.
مەموراندۋم سول ولقىلىقتى جويماق. «وقۋ دۋالدىق جۇيە بويىنشا جۇرگىزىلەدى، ياعني ءبىلىم ورداسى مەن ءوندىرىس ورنى اراسىنداعى بايلانىس تىعىز بولادى»، - دەيدى ماماندار.
وقۋ باعدارلاماسىن ەندى باستاعان العاشقى توپقا 17 ادام قابىلداندى. ولار - 5 كاسىپورىننىڭ وكىلدەرى. قاراجاتتى جىبەرگەن تاراپ تولەيدى. ال وقۋدى بىتىرگەندەرگە مەملەكەتتىك ۇلگىدە سەرتيفيكات بەرىلەدى.
www.24.kz
