عارىش تاعامى ساتىلا باستادى

ويتكەنى عارىش تاعامىن ازىرگە تەك وسى جەردەن ساتىپ الۋعا بولادى.

بۇعان دەيىن عارىشكەرلەردەن وزگە ەشكىم ارنايى تاعامنىڭ ءدامىن تاتىپ كورمەگەن. سوندىقتان بولار، ەڭكەيگەن كارىدەن ەڭبەكتەگەن بالاعا دەيىن -  ءبارى كورمەگە اعىلا باستادى.

ەندى جەر شارىنىڭ كەز كەلگەن تۇرعىنى عارىش تاعامىنان اۋىز تيە الادى.

ءتىپتى عارىش تاعامىن ساتىپ الۋ ءۇشىن كەزەكتەر دە پايدا بولا باستاعان.

عارىش مازىرىنە 11 تاعام ەنگەن. اس تۇرلەرىن عارىشكەرلەرگە تاعام دايىنداۋمەن اينالىساتىن رەسەيدەگى ارنايى زاۋىتتا جاسايدى. عارىشكەرلەرگە تاعامدى وسىدان جارتى عاسىر بۇرىن شىعارا باستاعان ەكەن. جاپپاي وندىرىستەگى ازىق-تۇلىك قولدانىلماعاندىقتان، تاعام ارنايى زەرتحانالاردا سۇرىپتاۋدان ءوتتى.

توكسيكولوگيالىق جانە ميكروبيولوگيالىق قاۋىپسىزدىگىنە ەرەكشە كوڭىل ءبولىندى. ونىڭ ۇستىنە عارىش ازىعى ۇزاق ۋاقىت جانە كەز كەلگەن جاعدايدا ساقتاۋعا جارامدى بولۋى ءتيىس ەدى.

الايدا العاشقى عارىشكەرلەر جەرگە تۇسكەن سوڭ اش قارىنعا جۇمىس ىستەۋگە قيىن بولعانىن مالىمدەدى.

وسىلايشا عارىشكەرلەردىڭ قارنى اشىپ، وزەگى تالعاننان كەيىن، عالىمدار عارىش مازىرىنە توق تاعامداردى ەنگىزە باستاعان. سودان كەيىن عارىش ءمازىرى كەڭەيدى. قاجەتتى ازىق ءوزىمىز كۇندەلىكتى پايدالانىپ جۇرگەن ءتىس پاستاسىنىڭ كوراپشاسىنا ۇقسايتىن اليۋميني ىدىسىنا سالىنىپ، عارىشقا جەتكىزىلدى.

ماسەلەن، قازاقتىڭ تۇڭعىش عارىشكەرى توقتار اۋباكىروۆ ۇشاردا بيريۋلوۆوداعى عارىش تاعامىن ازىرلەيتىن كومبينات ۇلتتىق مازىرىمىزگە سايكەس كەلەتىن تاعام جاساعان ەكەن. ەندى، مىنە، عارىش تاعامى ماسكەۋدە ەركىن ساتىلا باستادى. ارنايى تەحنولوگيالاردىڭ كومەگىمەن جاسالعان عارىش ازىعى 18 اي بويى ءدامىن جوعالتپاي، بۇزىلماي ساقتالادى ەكەن. سونداي-اق تاعامدى وتتا، ىستىق سۋدا جىلىتىپ جەۋگە بولادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى