اقتوبەدە ەركەكتەرگە ارنالعان ورتالىق اشىلدى

بۇگىندە بەدەۋ كەلىنشەكتەرگە قاراعاندا بەلسىز ەركەكتەردىڭ سانى ارتىپ وتىر.

دارىگەرلەر اسىرەسە 25 جاسقا دەيىنگى جىگىتتەردىڭ جاراماي جاتقانىنا الاڭداۋلى.

كوبى جۇقپالى دەرتكە شالدىعىپ، دەر كەزىندە ەمدەلمەگەن، دەپ حابارلايدى Bnews.kz ءتىلشىسى.

«ەر ادامدار جۇقپالى دەرتتىڭ كەسىرىنەن اۋرۋىن اسقىندىرىپ الادى. وسىدان جىنىس قابىلەتى ناشارلاپ، السىرەيدى. ال بەلسىزدىگىن ەستىگەندە كوبىنە ەركەكتەر ومىردەن باز كەشەردەي بولادى. مۇندايلار كوپ. سوندىقتان، اۋرۋىنان ايىقتىرۋدىڭ جولىن ىزدەۋ كەرەك»، - دەيدى دارىگەر ءاليا شاڭعاريەۆا.

وسى ماقساتتا اقتوبە وبلىستىق كەڭەس بەرۋ- دياگنوستيكالىق ورتالىعىنىڭ جانىنان ارنايى ەركەكتەرگە ارنالعان مەكەمە اشىلىپ وتىر. وندا ۋرولوگيالىق جانە اندرولوگيالىق اۋرۋلاردان ايىقتىرادى. ءتىپتى، ارنايى پسيحولوگتار مەن پسيحياتر جۇمىس ىستەيدى. ەركەكتىك بەز ىسىگىن انىقتاۋ ءۇشىن ترانسرەكتالدى زەرتتەۋلەر جۇرگىزىلەدى.

«قازىر ەلىمىزدەگى ەركەكتەردىڭ قىرىق پايىزىندا بەلسىزدىك دەرتى انىقتالىپ وتىر. قازىردە جاس جىگىتتەردىڭ وزىندە مۇنداي ماسەلەلەر ءجيى كەزدەسەدى. سوندىقتان جاڭا ورتالىقتىڭ تيگىزەر پايداسى كوپ. بىزگە ۋچاسكەلىك تەراپيەۆتتىڭ جولداماسىمەن كەلگەن ناۋقاستار ءتۇرلى سالا ماماندارىنىڭ باقىلاۋىنان وتەدى. مەملەكەتتىك مەكەمە بولعاندىقتان قارجى جاعىنان دا قىسىلمايدى»، - دەيدى دارىگەر- ۋرولوگ قانات زۇلقاروۆ.

اقسۇڭقار ازات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى