قازاقستانداعى اكىمدەر قانداي تالانتتارىمەن كوزگە ءتۇستى - كەسكىن
«تالانتتى ادام بارلىق جاعىنان تالانتتى» دەگەن ءسوزدى ءبىزدىڭ اكىمدەرگە قاراتا ايتسا بولادى. قىزمەتىنە كىرىسكەنىنە كوپ ۋاقىت وتە قويماعان قاراعاندى قالاسىنىڭ اكىمى نۇرمۇحامەد ابدىبەكوۆتىڭ قولىنان ءان ايتۋ دا، ءبي بيلەۋ دە كەلەدى.
جاقىندا قازاقستان حالىقتارى اسسامبلەياسىنا ارنالعان سالتاناتتى شارادا ول گرەك ءبيىن بيلەپ، تاڭ قالدىرعان ەدى. ودان بۇرىن ابدىبەكوۆ انشىلىك قابىلەتى بارىن دا كورسەتتى. جەرگىلىكتى تەلەارناداعى «بۋمەرانگ» توك-شوۋىندا قالا اكىمى «ماشينا ۆرەمەني» توبىنىڭ ءانىن ورىنداپ بەرگەن.
ءبي بيلەۋدەن قالىسپايتىن اكىمدەردىڭ ءبىرى - نۇرلان نوعايەۆ. باتىس قازاقستان وبلىسىن باسقاراتىن شەنەۋنىك بىردە بايكەر، ەندى بىردە ءورت ءسوندىرۋشى بولىپ حالىقتىڭ كوڭىلىنەن شىعۋعا تىرىسقان. كەيىن عالامتوردا نوعايەۆتىڭ تويدى جاندىرىپ جۇرگەن ۆيدەوسى پايدا بولدى.
قوستاناي وبلىسىنىڭ اكىمى ءنۇرالى ءسادۋاقاسوۆ تا انشىلىكتەن كەتارى ەمەس. ول «كوستانايسكي اككورد» بارد اندەرىنىڭ فەستيۆالىندە ەڭ قۇرمەتتى ورىنداۋشى اتاندى.
الماتى قالاسىنىڭ اكىمى احمەتجان ەسىموۆ ءوزىنىڭ مۋزىكاعا ىنتاسىنىڭ ەرەكشە ەكەنىمەن دە تانىمال.
«الماتى - ىڭكارىم مەنىڭ» رەترو-فەستيۆالىندە جىل سايىن رويالدا ويناپ بەرەتىن ول الىبەك دىنىشيەۆتى دە سۇيەمەلدەگەن بولاتىن.
