رەسەيدىڭ ايگىلى ءانشىسى اللا پۋگاچەۆا قازاقستاندىق توپقا اق جول تىلەدى - فوتو
بۇل ونەر توبىنا رەسەي ەستراداسىنىڭ پريمادونناسى اللا پۋگاچەۆا ءسات ساپار تىلەدى.
بۇل تۋرالى ءوزىنىڭ ينستاگرامداعى پاراقشاسىندا «The Jigits» پروديۋسەرى بايعالي سەركەبايەۆ حابارلادى.
«بۇگىن ۇلى ءانشى اللا پۋگاچەۆا «The Jigits» توبىنىڭ جاس ارتىستەرىنە باتاسىن بەردى! ءبىر كەزدەردە ASTUDIO توبى دا وسىنداي قۇرمەتكە يە بولعان ەدى!» - دەپ جازدى ب. سەركەبايەۆ فوتوسۋرەتكە تۇسىندىرمەسىندە.
«ەشتەڭەگە الاڭداماي العا قاراي تارتا بەرىڭدەر! ءسات ساپار، بالالار!» - دەدى ول.
ماسكەۋ كورەرمەندەرى ءۇشىن توپتىڭ تانىستىرىلىمى قالاداعى بەدەلدى كلۋبتاردىڭ بىرىندە ءوتتى. بۇدان ءبىر اپتا بۇرىن قازاقستاندىق ۇجىم ءوزىنىڭ پروديۋسەرىمەن بىرگە ماسكەۋ راديوستانسالارىنىڭ بىرىندە قوناقتا بولعان ەدى.
«The Jigits» توبىنىڭ قاتىسۋشىلارى قازاقستاندىقتارعا «جۇلدىزدار فابريكاسى» جوباسى ارقىلى تانىمال. 2012 - جىلى ۇجىم قازاقستان اتىنان يۋرمالاداعى «جاڭا تولقىن» كونكۋرسىنا قاتىسىپ، قۇرمەتتى ءتورتىنشى ورىندى يەلەنگەن بولاتىن.
