تالدىقورعان دۇكەندەرىندە «قازاقستاندا جاسالعان» دەپ جازىلعان سورەلەر پايدا بولدى - فوتو
بارشاعا بەلگىلى، سارسەنبى كۇنى ۇكىمەتتىڭ كەڭەيتىلگەن وتىرىسىندا مەملەكەت باسشىسى نۇرسۇلتان نازاربايەۆ ءتيىستى مەموراندۋمدار جاساپ، قازاقستاندىق ۇلەس بويىنشا فورۋمدار وتكىزۋ پراكتيكاسىن جاڭعىرتۋ قاجەتتىگىن مالىمدەدى جانە وبلىس اكىمدەرىنە بارلىق ساۋدا جەلىلەرىندە وتاندىق تاۋارلار سەكتسياسى بولۋى ءۇشىن «قازاقستاندا جاسالعان» اكتسياسىن ىسكە قوسۋعا ناقتى تاپسىرمالار بەرگەن بولاتىن.
كاسىپكەرلىك ءبولىمىنىڭ باستىعى ءامىرحان ۇسەنوۆتىڭ اتاپ وتكەنىندەي، پرەزيدەنت تاپسىرمالارىن جۇزەگە اسىرۋ ماقساتىندا تالدىقورعان اكىمدىگى ءىرى ساۋدا ۇيلەرىنە، سۋپەرماركەتتەرگە جانە باسقا دا كاسىپكەرلىك نىساندارىنا وتاندىق ءوندىرىس تاۋارلارىنىڭ بولەك سورەلەرىن جاساۋ جونىندە ۇسىنىس جاسادى.
قالا باسشىلىعىنىڭ شاقىرۋىنا سول بويدا ءىرى سۋپەرماركەتتەر جەلىلەرى، قۇرىلىس ماتەريالدارى دۇكەندەرى دەرەۋ ءۇن قاتىپ، كورنەكتى جەرلەردە، سونداي-اق وندىرىلگەن ەلىن كورسەتىپ، بولەك سورەلەرگە وتاندىق ءوندىرىس تاۋارلارىن قويدى.
