رەسەي تاريحتا بولماعان اسكەري جاتتىعۋ جۇمىستارىن باستادى
وقۋ-جاتتىعۋ جۇمىستارىنا زىمىران كەشەندەرىنىڭ ءموبيلدى كۇشتەرىمەن قاتار، ستاتسيونارلىق توپتارى جۇمىلدىرىلعان. جاتتىعۋ جيىندارى ەلدىڭ باتىسىنداعى تۆەر وبلىسىنان شىعىستاعى يركۋتسك وبلىسىنا دەيىنگى وڭىرلەردە ءجۇرىپ جاتىر.
«ستراتەگيالىق زىمىرانشىلار اۋقىمدى تاپسىرمالاردى ورىنداپ جاتىر. اتاپ ايتساق، اسكەردى ەڭ جوعارعى دايىندىق دەڭگەيىندە ۇستاۋ، مانيەۆەرلىك ارەكەتتەر ورىنداۋ ديۆەرسيالىق قۇرىلىمداردىڭ كوزىن جويۋ جانە جاۋدىڭ جوعارى دالدىكپەن اتاتىن قارۋ-جاراعىنا تويتارىس بەرۋ سىندى جۇمىستار»، - دەيدى مينيسترلىك وكىلدەرى.
