بەردىبەك ساپاربايەۆ دۋالدىك وقىتۋ جۇيەسىن ەنگىزۋ قارقىنىن سىنعا الدى

«دۋالدىك ءبىلىم بەرۋدى ەنگىزۋ ماسەلەسىمەن ءتورتىنشى رەت اينالىسىپ كەلەمىز. ناقتى ناتيجەلەر قايدا؟»، - دەپ ساۋال قويدى ب. ساپاربايەۆ ق ر ءبىلىم جانە عىلىم ءمينيسترى ا. سارىنجىپوۆكە قاراتىپ ايتقان سوزىندە.

«2008-جىلى قوستاناي وبلىسىنىڭ رۋدنىي قالاسىندا ەڭبەك مينيسترلىگى مەن ق ر ءبىلىم جانە عىلىم مينيسترلىگى رەسپۋبليكا بويىنشا دۋالدىك ءبىلىم بەرۋدى ەنگىزۋ اياسىندا ۇلكەن فورۋم وتكىزدى. ودان بەرى جەتى جىل ءوتىپ كەتىپتى. نەگە بۇل باعىتتاعى جۇمىستار ۇزاققا سوزىلدى؟»، - دەدى ۇكىمەت باسشىسىنىڭ ورىنباسارى.

ءوز كەزەگىندە ق ر ب ع م باسشىسى دۋالدىك ءبىلىم بەرۋ ەلەمەنتتەرى كوللەدجدەردىڭ 25 پايىزىندا جۇمىس ىستەپ جاتقاندىعىن اتاپ ءوتتى. «ءبىز وسى باعىتتاعى جولدىڭ باسىندا تۇرمىز. بۇل تۇرعىدا زاڭنامالىق بەكىتۋ ماڭىزدى. ەلىمىز زاڭىندا دۋالبدىك ءبىلىم بەرۋ جايىندا ناقتى كورسەتىلمەگەن. ءبىز زاڭ جوباسىنا بۇنداي تۇسىنىكتى ەنگىزدىك، قازىرگى كەزدە وسى قۇجات پارلامەنتتە. ەگەر ونى زاڭنامالىق تۇردە بەكىتسەك، وسىدان كەيىن دۋالدىك ءبىلىم بەرۋدى ىسكە اسىرۋ بويىنشا بارشا نورماتيۆتىك-قۇقىقتىق اكتىلەردى، ەرەجەلەردى ازىرلەيمىز. ازىرگە، ءاربىر كوللەدج ءوز ەركىمەن كاسىپورىندارمەن كەلىسىپ، جۇمىس ىستەپ جاتىر»، - دەدى مينيستر.

ا. ءسارىنجىپوۆتىڭ سوزىنە قاراعاندا، زاڭ جوباسى پارلامەنت ماجىلىسىندە جازعا دەيىن قارالۋى ءتيىس.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى