ءبىلىم جانە عىلىم ءمينيسترى: «بولاشاق» باعدارلاماسى بويىنشا قىسقارتۋ جوسپارلانىپ وتىرعان جوق

«بولاشاق» باعدارلاماسىن قىسقارتۋعا بولمايدى. بىزدە ناۋرىزدا رەسپۋبليكالىق كوميسسيانىڭ وتىرىسى وتەدى جانە وندا بولاشاقتىقتاردىڭ جاڭا تولقىنىن قاراستىرامىز. كونكۋرستار ءجۇرىپ جاتىر، بارلىق جۇيە ساقتالادى. ەڭ قيىن جىلداردىڭ وزىندە «بولاشاق» باعدارلاماسى دامىپ، جۇمىس ىستەگەن بولاتىن»، - دەدى مينيستر.

وسى ورايدا ول بۇگىندە باس ءبىلىم بەرۋ ۆەدومستۆوسىندا اتالعان باعدارلامانىڭ جاڭا بيۋجەتى قاراستىرىلىپ جاتقاندىعىن، ونىڭ اياسىندا قارجىنى ۇنەمدەۋدىڭ كەيبىر تەتىكتەرىن ەنگىزۋ جوسپارلانىپ وتىرعاندىعىن جەتكىزدى.

«قازىرگى كەزدە جاڭا بيۋجەت قارالۋدا. ءبىز ماقساتتى دايارلىق بويىنشا ۇسىنىستار ەنگىزۋدەمىز، ياعني، ناقتى كاسىپورىندار ءۇشىن. سونىمەن بىرگە تاعىلىمداما باعدارلاماسى اياسىندا ءتىل دايارلىعىن قازاقستاندا جۇزەگە اسىرۋ مۇمكىندىگىن قاراستىرۋدامىز. بۇل ءوز كەزەگىندە 1-2 ميلليارد تەڭگەنى ۇنەمدەۋگە ىقپال ەتەدى. اتاپ ايتقاندا، «بولاشاق» باعدارلاماسىنىڭ قاتىسۋشىلارى ءتىل دايارلىعىن ەلىمىزدە وتەتىن بولادى. ول ءۇشىن ءبىز حالىقارالىق ارىپتەستەرمەن ارنايى ورتالىقتى اشامىز. بۇل شارالار قارجى ۇنەمدەۋگە مۇمكىندىك بەرەدى»، - دەدى مينيستر.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى