الماتى وبلىسىندا اۋە كۇشتەرىنىڭ بارلاۋ بولىمشەلەرىنىڭ لاگەرلىك جيىنى باستالدى - فوتو
شاراعا 350 دەن اسا اسكەري قىزمەتشى، ونىڭ ىشىندە 35 جەدەل قىزمەت اسكەريلەرى قاتىسۋدا، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
اەروموبيلدى كۇشتەر بولىمدەرىنىڭ اسكەري دايىندىق جوسپارىنا سايكەس لاگەرلىك جيىننىڭ ماقساتى - ماماندىعى بويىنشا بارلاۋشىلاردى دايىنداۋ جانە بولىمشەلەردىڭ ۇيلەسىمدى قىزمەتىن ورىنداۋ. بۇل مينا جارۋ بويىنشا باقىلاۋ-كەشەندى جاتتىعۋلار وتكىزۋ، اسكەري توپوگرافيا، مەديتسينالىق جانە اسكەري-ينجەنەرلىك ءىس جۇرگىزۋ، توسقاۋىل كەزىندەگى بارلاۋ ارەكەتى، ءىز كەسۋ، شابۋىل ءتارىزدى شارالاردى قامتيدى.
«وسى مىندەتتەردى ورىنداۋ ارقىلى اسكەرلەر نورماتيۆ تاپسىرادى جانە لاگەرلىك جيىن بارىسىندا بارلاۋ بولىمشەلەرى تەك وقىپ، داعدىسىن دامىتىپ قانا قويماي، سونىمەن قاتار باعاعا سىناق تاپسىرادى. وسىلايشا ءبىز مىقتىلاردى انىقتايتىن بولامىز»، - دەپ اتاپ ءوتتى لاگەرلىك جيىن جەتەكشىسى، ق ر ق ك ق ك اەروموبيلدى كۇشتەرى قولباسشىلىعى بارلاۋ باسقارماسىنىڭ باستىعى راحات قارسەمبايەۆ. اەروموبيلدى كۇشتەرى بولىمشەلەرىنىڭ بارلاۋ جيىنى پوليگوندىق جاعدايدا وتۋدە. پوليگوندا جاتىپ وقۋ ءۇشىن پالاتكالى لاگەر، شارۋاشىلىق قامتۋ جانە مەديتسينالىق پۋنكتى قۇرىلىپ، اسكەري كەزەكشىلىك ۇيىمداستىرىلعان. لاگەرلىك جيىن ەكى اپتاعا سوزىلادى. بارلاۋ بولىمشەلەرىنىڭ جاتتىعۋ قورىتىندىسىندا ۆزۆودتىق-تاكتيكالىق ارنايى وقۋ-جاتتىعۋ وتكىزىلەدى. ونىڭ بارىسىندا بارلاۋشىلار اۋماقتىق ديستانتسيالاردا ءوز ءىس-ارەكەتتەرىن ورىندايدى.
