ۇلتتىق بانك تەڭگە باعامىنىڭ وزگەرىستەرى تۋرالى الدىن الا حابارلاپ وتىرۋعا ۋادە بەردى

بۇل تۋرالى بۇگىن و ك ق بريفينگىندە ۇلتتىق بانك ءتوراعاسى قايرات كەلىمبەتوۆ ايتتى.

ونىڭ ايتۋىنشا، ۇلتتىق بانك ساياساتى تەڭگەنىڭ كۇرت قۇلدىراپ، «تەرەڭ» ديەۆالۆاتسياعا ۇشىراۋىنا جول بەرمەيدى. ۇ ب نەعۇرلىم وڭتايلى ايىرباس باعامىن ۇستانىپ وتىرادى. دەگەنمەن، ۇ ب ءتوراعاسىنىڭ ايتۋىنشا، بۇل ايىرباس كۋرسى تۇراقتى بولادى دەگەن ءسوز ەمەس.

«تەڭگە باعامىن بىرتىندەپ رەتتەپ وتىرماساق، تاعى دا ديەۆالۆاتسيالىق ءوسىم جينالا بەرەدى. وزدەرىڭىز كورىپ وتىرسىزدار، تەڭگە باعامى 2014 - جىلدان بەرى 180 مەن 184 تەڭگە ارالىعىندا قۇبىلىپ وتىردى. ال بۇگىن 1 دوللارعا شاققاندا 185 تەڭگەگە جەتتى. بۇل قازىرگى ىشكى جانە سىرتقى ماكرو ەكونوميكالىق جاعدايعا تولىق توتەپ بەرە الاتىن باعام دەۋگە بولادى. سوندىقتان، ءبىز ورتا مەرزىمدى كەزەڭدە نەعۇرلىم ىڭعايلى باعا قالىپتاستىرۋ ساياساتىنا كوشەمىز. كەز كەلگەن مۇنداي اۋىسۋ الدىن الا حابارلاناتىن بولادى. وسىلايشا نارىق سۋبەكتىلەرى ءمان- جايدى ءبىلىپ وتىرادى»، - دەپ ءتۇسىندىردى ق. كەلىمبەتوۆ.

 اۆتور: ءابۋ- اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى