شياڭگاڭدا جاڭا تۋعان ءسابيدىڭ ىشىندە ەگىز بالا بارى انىقتالدى
وتە سيرەك كەزدەسەتىن بۇل جاعداي جايلى Live Science حابارلادى، دەپ جازدى lenta.ru.
ۇرىق ىشىندەگى ۇرىق ورتاشا العاندا جارتى ميلليون جۇكتى ايەلدە كەزدەسۋى مۇمكىن.
ونىڭ سەبەپتەرى دارىگەرلەر مەن عالىمدار اراسىندا داۋ تۋدىرۋدا.
دۇنيەجۇزىلىك دەنساۋلىق ۇيىمى جاڭا تۋعان ءسابي ىشىندەگى ۇرىقتى تەراتوما (ىسىكتىڭ ءتۇرى) دەپ ەسەپتەيدى، ءبىراق شياڭگاڭ دارىگەرلەرى ناۋقاستىڭ اعزاسىندا ەگىزدەردىڭ ەكى ۇرىعى تابىلعانىن ايتادى. ولار باستاپقىدا ساۋ بولعان، الايدا جۇكتىلىك كەزىندە بەلگىسىز ءبىر سەبەپتەرمەن اپكەلەرىنىڭ دەنەسىنە ەنگەن.
جاڭا تۋعان قىز گينەكولوگ-دارىگەرلەردىڭ قاتاڭ باقىلاۋىنا الىندى. ءۇش اپتالىق قىزعا وتا جاسالىپ، باۋىر مەن بۇيرەگى اراسىندا ەكى ۇرىق انىقتالدى. بىرەۋىنىڭ سالماعى 9,3 گرام، ەكىنشىسىنىكى - 14,2 گرام بولعان. زاماناۋي مەديتسينا تاريحىندا ۇرىق ىشىندەگى ۇرىقتىڭ 200 وقيعاسى تىركەلگەن.
