قىتاي جامبىل وبلىسىندا عىلىمي اۋىل شارۋاشىلىعى پاركىن قۇرادى
بۇل تۋرالى قازاقپارات تىلشىسىنە قازاقستان دۇنگەندەرى قاۋىمداستىعىنىڭ پرەزيدەنتى ح. ءداۋىروۆ حابارلادى.
ونىڭ ايتۋىنشا، جاقىندا قۇرامىندا قاۋىمداستىق وكىلدەرى بولعان جامبىل وبلىسىنىڭ دەلەگاتسياسى قىتاي پروۆينتسياسىندا ىسكەرلىك ساپارىندا بولدى. سونىڭ ناتيجەسىندە بالامالى ەنەرگيا جانە اۋىل شارۋاشىلىعى سالالارىنداعى ىنتىماقتاستىق جونىندە كەلىسىمدەرگە قول قويىلدى.
«اتاپ ايتقاندا، بىزدە قازاقستان- قىتاي عىلىمي اۋىل شارۋاشىلىعى ۇلگىلى پاركى قۇرىلادى، ول اۋىل شارۋاشىلىعىنىڭ بارلىق زاماناۋي تەحنولوگياسىنىڭ باسىن قوسادى. ءبىزدىڭ اۋىل شارۋاشىلىعى كاسىپورىندارىمىز پارككە كەلىپ، جاڭا تەحنولوگيالاردى ەنگىزۋ تاجىريبەسىن ءوز وندىرىسىندە قولداناتىن بولادى»، - دەپ ءتۇسىندىردى ول.
ح. ءداۋىروۆ پرەزيدەنت نۇرسۇلتان نازاربايەۆتىڭ قازاقستان حالقى اسسامبلەياسىنىڭ وكىلدەرى وزدەرىنىڭ تاريحي وتاندارىمەن مادەنيەت جاعىنان عانا ەمەس، ينۆەستيسيالار تارتۋدا دا بايلانىس ورناتۋى ءتيىس دەگەن ۇستانىمىن وتە دۇرىس دەپ اتادى.
«سونىمەن بىرگە مەملەكەت باسشىسى بۇگىن ۇكىمەتتىڭ كەڭەيتىلگەن وتىرىسىندا مينيسترلىكتەر دە، وڭىرلەر دە شەتەلدىك ينۆەستورلارمەن جۇمىس جاساپ، ەكونوميكامىزعا ولاردىڭ ينۆەستيتسيالارىن تارتۋى ءتيىس ەكەندىگىن اتاپ ءوتتى»، - دەدى ول.
سونداي-اق، ونىڭ ايتۋىنشا، مەملەكەت باسشىسى بۇگىنگى وتىرىستا ءجىتى جانە دۇرىس باسىمدىقتاردى ورنىمەن كوتەردى. كۇردەلى ەكونوميكالىق جاعدايدا شەتتەن بايقاۋشى رەتىندە قاراپ وتىرۋعا بولمايدى.
«نۇرلى جول» داعدارىسقا قارسى باعدارلاماسىن ورىنداۋعا جاۋاپكەرشىلىك مينيسترلىكتەر مەن ولاردىڭ ورىنباسارلارىنىڭ عانا ەمەس، ءاربىر شەنەۋنىكتىڭ موينىنا جۇكتەلۋى ءتيىس. مەنىڭ ويىمشا، الەمدىك ەكونوميكاداعى بۇل داعدارىس پەن كەلەڭسىز وزگەرىستەر، تۇتاستاي العاندا، ءتىپتى، قازاقستانعا كومەكتەسەدى دەپ ايتار ەدىم. قيىن جىلداردا ءبىز شيكىزات رەسۋرستارىمىزعا، مۇنايعا نەمەسە پايدالى قازبالارعا يە ارتىپ قانا وتىرماي، بارلىق كۇش- جىگەرىمىزدى جۇمىلدىرۋعا ءتيىسپىز»، - دەپ اتاپ كورسەتتى قاۋىمداستىق باسشىسى.
