ناۋرىزدىڭ باسىندا استانادا «جاپون كوكتەمى» ونەر فەستيۆالى وتەدى

كونسەرتتەر استانا مەن الماتىدا بولادى. وعان كۇنشىعىس ەلى مەن قازاقستاننىڭ ءداستۇرلى مۋزىكا، كلاسسيكا، دجازدىڭ اتاقتى جۇلدىزدار قاتىسادى.

1 - ناۋرىزدا بەيبىتشىلىك جانە كەلىسىم سارايىندا بارابانشىلاردىڭ عاجايىپ شوۋى - الەمدىك دەڭگەيدەگى ايگىلى جاپوندىق «Yamato» توبىنىڭ كونسەرتى وتەدى، دەپ حابارلادى ۇيىمداستىرۋشىلار.

بۇل توپ 1993 - جىلى نارا اكىمشىلىك-ايماقتىق جاعىندا ساڭلاق Masa Ogava جەتەكشىلىگىمەن قۇرىلعان ەدى جانە اتاعى جاپونيادان دا ءارى اسىپ، ايگىلى بولدى. ياماتو - جاپون مەملەكەتىنىڭ كونە اتاۋى. بۇعان قوسا عاجايىپ ۇيلەسىم، بەيبىتشىلىك دەگەن دە ماعىنا بەرەدى. جاپونياداعى ءداستۇرلى بارابان مۋزىكاسىنىڭ تاريحى بارابانشىلاردىڭ شايقاس الدىنداعى اسكەرلەردىڭ رۋحىن كوتەرەتىن كەزدەن باستاۋ الادى. «Yamato» انسامبلىنىڭ نەگىزگى اسپابى بولىپ سانالاتىن تايكو بارابانىنىڭ قازىرگى كەيپى 13 - عاسىر بۇرىن جاسالعان.

اسپاپتىڭ تىسى اعاشتىڭ ءبۇتىن ءبىر بولىگىنەن جاسالادى. تايكونىڭ ديامەترى 2-3 مەتر ەكەندىگىن ەسكەرەر بولسا، وندا وسىدان-اق مۇنداي اسپاپتىڭ قانداي عاجاپ دىبىس شىعاراتىنىن اڭعارۋعا بولادى. انسامبلدە ءبىر مەزەتتە ونداعان بارابانشىلار ەكەۋگە دەيىن ويناي الادى.

توپ الەمنىڭ 51 ەلىندە مىڭداعان كونتسەرتتەر بەردى. ارتىستەردىڭ گاسترولدىك ساپارلارى جىلىنا 6 ايدان 10 ايعا دەيىن سوزىلادى جانە وسىلاي 20 جىلدان استام ۋاقىت جۇمىس ىستەپ كەلەدى. الەمدەگى بارلىق حالىق ولاردىڭ كونسەرتىن اسىعا كۇتەدى، ويتكەنى مۋزىكانتتار قۋاتتى الاپات كۇشپەن جاپون مادەنيەتىنىڭ قايتالانباس بوياۋىن شوۋ رەتىندە كورسەتە بىلەدى.

3 - ناۋرىزدا «استانا وپەرا» تەاترىنىڭ كامەرالىق زالىندا «چيو- چيو- سان كوكتەمدى كۇتۋدە...» اتتى ونەر مايتالماندارىنىڭ كونسەرتى بولادى.

جاپوندىق، قازاقستاندىق اۆتورلاردىڭ شىعارمالارى، سونداي الەمدىك كلاسسيكا جاۋھارلارى ورىندالادى. كونسەرتكە قازاقستاننىڭ ايگىلى ورىنداۋشىلارى: ق ر ەڭبەك سىڭىرگەن قايراتكەرى، فەستيۆالدىڭ كوركەمدىك جەتەكشىسى تيمۋر ورمانشيەۆ (فورتەپيانو)، ر. تەبالدي - م. دەل موناكو (يتاليا) ۆوكالدىڭ حالىقارالىق اكادەمياسىنىڭ وقىتۋشىسى نينو لەجاۆا، (سوپرانو)، ق ر ەڭبەك سىڭىرگەن قايراتكەرى ازامات جىلتىركوزوۆ (باريتون)، قۇرمانعازى اتىنداعى قازاق ۇلتتىق كونسەرۆاتورياسىنىڭ دوتسەنتى ارمان تىلەۋبەرگەنوۆ (فورتەپيانو) ، جامبىل اتىنداعى قازاق مەملەكەتتىك فيلارمونياسىنىڭ ءسوليسى ەرمەك قۇرمانايەۆ (ۆيولونچەل)، ق ر مەملەكەتتىك اكادەميالىق سيمفونيالىق وركەسترىنىڭ كونسەرتمەيستەرى ەركەبۇلان ساپاربايەۆ (سكريپكا) قاتىسادى.

ءبىرىنشى فەستيۆال ماۋسىمى 2011 - جىلدىڭ كۇزىندە ءوتتى جانە كورەرمەنگە بۇرىن-سوڭدى بولماعان زور قىزىعۋشىلىق تۋدىردى. سودان بەرى كورەرمەن ءار كونسەرتتى اسىعا كۇتەتىن بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى