جەردىڭ قوسىمشا يادرو قاباتى بار

وسىعان دەيىن جەردىڭ يادروسى قاتتى مەتالل شار ىسپەتتەس، ال ونىڭ سىرتقى كاپتاۋى مانتيا بولىپ كەلگەن. دەگەنمەن سوڭعى زەرتتەۋلەر ناتيجەسى ىشكى يادرونىڭ تاعى ءبىر قاباتى بار ەكەنىن دالەلدەدى.

ا ق ش- تاعى يللينويس ۋنيۆەرسيتەتى مەن قىتايداعى نانكين ۋنيۆەرسيتەتىنىڭ بىرىككەن عالىمدار توبى سەيسميكالىق تولقىنداردىڭ كومەگىمەن جەر ورتاسىندا قوسىمشا يادرو قاباتىنىڭ بار ەكەنىن انىقتاي العان. انىقتالعانداي، ول ىشكى يادرونىڭ جارتىسىن الىپ جاتىر ەكەن.

سەيسميكالىق اپپاراتتىڭ جۇمىس ىستەۋى كەزىندەگى كريستالدار ىشكى يادرونىڭ سىرتقى قاباتى تەرەڭدىگىن العاندا وڭتۇستىك پەن سولتۇستىكتى كورسەتسە، ىشكى قاباتىندا شىعىس پەن باتىسقا باعىتتالعان. ەندەشە بۇل ىشكى يادرونىڭ ەكى قاباتى ەكى ءتۇرلى ماتەريالدان تۇراتىنىن بىلدىرەدى.

«جەردىڭ تابيعي سەرىگىنەن ءبىرشاما كىشىلەۋ پىشىنگە يە جاڭا قابات وزگەشە قۇرىلىمعا يە. ول عالامشارىمىزدىڭ قالاي قالىپتاسقانى تۋرالى اقپارات بەرە الۋى مۇمكىن. سونىمەن قاتار، جەردىڭ ىشكى قۇرىلىمىنداعى ەۆوليۋتسيالىق وزگەرىستەر تۋرالى بىلە الاتىن بولامىز» ، - يللينويس ۋنيۆەرسيتەتىنىڭ پروفەسسورى سياودۋن سۋن.

عالىمدار جەر سىلكىنىسى كەزىندە تارايتىن تولقىنداردان اقپارات جيناقتاۋ تەحنولوگياسىن قولدانعان. ال جەردىڭ قاي قاباتى تولقىننىڭ باستاۋى ەكەنىن انىقتاۋ ءۇشىن ارنايى دەتەكتورلاردىڭ كومەگىمەن تولقىننىڭ تىركەلۋ ۋاقىتىن ولشەپ وتىرعان. سوسىن تولقىننىڭ جىلدامدىعى مەن باعىتىنا وراي زەرتتەۋشىلەر جەردىڭ ىشكى قۇرىلىمى تۋرالى اقپارات العان.

عالىمداردىڭ ورتاق زەرتتەۋ جۇمىستارى Nature Geoscience عىلىمي جۋرنالىندا جاريالاندى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى