مەملەكەتتىك قىزمەتكەرلەردىڭ جۇمىسى بيزنەسكە اينالماۋى ءتيىس - پرەزيدەنت
بۇگىن اقوردادا وتكەن ق ر ۇكىمەتىنىڭ كەڭەيتىلگەن قۇرامداعى وتىرىسىندا ەلباسى نۇرسۇلتان نازاربايەۆ وسىلاي دەدى.
«مەملەكەتتىك قىزمەتكەرلەردىڭ جۇمىسى بيزنەسكە اينالماۋى ءتيىس. مەملەكەتتىك قارجىنى فيرمالارعا، وزدەرىنىڭ تانىستارىنا، دوستارىنا جانە تۋىسقاندارىنا شاشۋلارىنا جول بەرمەۋ كەرەك. وكىنىشكە قاراي، وبلىستىڭ ءۇش اكىمىنە قاتىستى ءدال وسى سەبەپپەن تەرگەۋ امالدارى جۇرگىزىلدى. سونىمەن قاتار ءبىرقاتار مينيستەرلىكتەر مەن ۆەدومستۆولاردىڭ باسشىلارى قىلمىستىق جاۋاپكەرشىلىككە تارتىلۋدا»، - دەدى ەلباسى.
پرەزيدەنت باسشىلار كوماندا جيناپ، ول كەيىن اتىراۋ وبلىسىنداعى سەكىلدى باندىعا اينالاتىندىعىن مىسال ەتتى.
بۇگىندە اتقارۋشى بيلىكتەن حالىق ناقتى ءارى ءتيىمدى ىستەردى كۇتىپ تۇرعانىنا توقتالعان ەلباسى، اكىمدەر حالىققا جاقىن بولۋى كەرەك، وڭىرلەردەگى ماسەلەلەردى شەشۋگە بىلەك سىبانا كىرىسۋىلەرى قاجەت ەكەنىن تاپسىردى.
اۆتور: رۋسلان عابباسوۆ
