رەسەي رۋبلىنىڭ السىرەۋىنەن تۋىنداعان پروبلەمالاردىڭ ەۋرازيالىق ەكونوميكالىق وداققا قاتىسى جوق
«رەسەي رۋبلىنىڭ السىرەۋى تۇرعىسىندا جانە قازاقستاننىڭ ىشكى نارىعىندا تاۋارلاردىڭ ارتۋى باعىتىندا ءبىزدىڭ وتاندىق وندىرۋشىلەرگە زالالىن تيگىزۋدە. الايدا، بۇنىڭ ەۋرازيالىق ەكونوميكالىق وداققا قاتىسى جوق. بۇل - ءبىزدىڭ ستراتەگيالىق باعىت. قۇرعان كەزدە ءومىردىڭ اعىمى ءوزىنىڭ تۇزەتۋلەرىن ەنگىزەتىندىگىن ايتقان بولاتىنبىز. الەمدىك كاپيتاليستىك ەكونوميكا ءوزىنىڭ تۇزەتۋلەرىن ەنگىزۋدە. قازىرگى كەزدە وسى جاعداي ورىن الدى، ءبىراق تا بۇعان ەۋرازيالىق ەكونوميكالىق وداقتى، كەدەن وداعىن كىنالاۋ - ول تولىق ديلەتانتتىق»، - دەدى ەلباسى.
مەملەكەت باسشىسىنىڭ سوزىنە قاراعاندا، وسى ۋاقىتشا جاعدايدان شىعۋ ءۇشىن رەسەي تاراپىمەن بىرلەسە قاجەتتى شارالار ازىرلەنەتىندىگىن اتاپ ءوتتى. جاقىن ارادا بۇل تۇرعىداعى ماسەلەلەر ءوز شەشىمىن تاباتىن بولادى.
2015 - جىلى ۇلتتىق بانك تەڭگەنىڭ ايىرباس باعامىنىڭ كۇرت اۋىتقۋىنا جول بەرمەيدى.
بۇل تۋرالى بۇگىن اقوردادا وتكەن ق ر ۇكىمەتىنىڭ كەڭەيتىلگەن قۇرامداعى وتىرىسىنان كەيىن ب ا ق وكىلدەرىنە ق ر ۇلتتىق بانكىنىڭ ءتوراعاسى قايرات كەلىمبەتوۆ ءمالىم ەتتى.
ونىڭ اتاپ وتۋىنشە، ول ءۇشىن ەلىمىزدە قور جەتكىلىكتى.
«ءبىز اعىمداعى ۆاليۋتالىق ءدالىز ساياساتىن جالعاستىرامىز. قولدانىستاعى ماكرو ەكونوميكالىق جاعداي وعان ساي كەلەدى. ەگەر كاپيتالدىڭ سىرتقى نارىعىندا وزگەرىستەر ورىن السا، وندا سايكەسىنشە ءبىز ءبىر ساتتە «ەسەڭگىرەتەرلىك» ديەۆالۆاتسياعا جول بەرمەيمىز. ءبىرقالىپتى ءارى يكەمدى ايىرباس كرۋسى اياسىندا جۇمىس ىستەيتىن بولامىز»، - دەدى ق. كەلىمبەتوۆ.
اۆتور: مارلان جيەمباي
