نۇرلى جول باعدارلاماسى ەكى ەل اراسىنداعى دوستاستىقتى ودان ءارى نىعايتا تۇسپەك - ق ح ر- دىڭ الماتىداعى باس كونسۋلى چجان ۆەي

ديپلوماتتىڭ قابىلداۋىندا الماتىداعى قوعام قايراتكەرلەرى، ديپلوماتيالىق ميسسيا قىزمەتكەرلەرى بولدى.

ديپلومات چجان ۆەي ءوز ەلىنىڭ جەتكەن جەتىستىكتەرىن، ۇستانىپ وتىرعان سىرتقى ساياساتىن ايتىپ ءوتتى. سونداي- اق، ول اسپاناستى ەلىنىڭ شەكارالاس ەلدەرمەن، اتاپ ايتقاندا، قازاقستانمەن قارىم- قاتىناسىن تىلگە تيەك ەتتى.

«قازاقستان - ءبىزدىڭ ادال ءارى سەنىمدى كورشىمىز. جىل سايىن قازاقستان مەن قىتاي اراسىنداعى ىنتىماقتاستىق نىعايىپ كەلەدى. وسى ورايدا مەملەكەت باسشىسى نۇرسۇلتان نازاربايەۆ ۇسىنعان «نۇرلى جول - بولاشاققا باستار جول» باعدارلاماسىنىڭ قوسار ۇلەسى زور. وسى ۋاقىت ارالىعىندا مەن جەرگىلىكتى مەمورگاندارمەن جۇمىس جاساپ، الماتىلىقتاردىڭ قوناقجايلىلىعىن سەزىندىم» ، - دەدى چجان ۆەي.

44 جاسار ديپلومات ءوزىنىڭ ەلشىلىك قىزمەتىن 1994 -جىلى ق ح ر ءس ءى م- ىندە دەپارتامەنت رەفەرەنتى قىزمەتىنەن باستاعان. كەيىن ورتا ازيا ەلدەرى قىرعىزستان مەن وزبەكستاندا كونسۋلدىعىندا جۇمىس جاسادى.

 الماتىداعى باس كونسۋلى لاۋازىمىنا چجان ۆەي 2015 -جىلدىڭ قاڭتار ايىندا تاعايىندالدى.

ق ر ءس ءى م وكىلدىگىنىڭ ءتوراعاسى رىمتاي كارىبجانوۆ قىتاي ەلىنىڭ وكىلىن جاڭا قىزمەتكە تاعايىندالۋىمەن ءارى قىتاي حالقىن جاڭا جىلىمەن قۇتتىقتادى.

اۆتور: گۇلميرا عوسمانالي 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى