زاڭسىز قاراسورا جيناعانداردىڭ ءارقايسىسى ءۇش جىلعا سوتتالدى

ب ق و سوتىنىڭ باسپا ءسوز قىزمەتىنەن تۇسكەن مالىمەتكە قاراعاندا، وعان قوسا ريابتسيەۆ، ءتارجىمانوۆ، كۋزبەيەۆ جازاسىن وتەۋ ورىندارىندا ەسىرتكىدەن ءماجبۇرلى تۇردە ەمدەلەتىن بولادى.

سوت تالقىسىندا بەلگىلى بولعانىنداي، 2014 - جىلدىڭ قىركۇيەگىندە ا. ريابتسيەۆ، ب. ءتارجىمانوۆ، ق. تاسمۇراتوۆ، ن. كۋزبەيەۆ «Volkswagen Golf 3» اۆتوكولىگىمەن ەسىرتكى  دايىنداۋعا بولاتىن قاراسورا وسىمدىگىن زاڭسىز جيناۋ ماقساتىندا زەلەنوۆ اۋدانى وزەرنوە اۋىلىنان 7 شاقىرىم قاشىقتىقتا ورنالاسقان كيرسانوۆ قورىعىنىڭ ورمان القابىنا بارعان.

سودان قاراسورانى پوليمەرلىك قاپتار مەن سپورتتىق سومكەگە سالىپ، جيناۋ بارىسىندا ۇستالعان. سونىمەن بىرگە ولاردى ءتىنتۋ كەزىندە قاعازعا ورالعان كەپتىرىلگەن ماريحۋانا تابىلعان.

ءىستى قاراۋ بارىسىندا مەملەكەتتىك ايىپتاۋشى سوتتالۋشىلار ب. ءتارجىمانوۆ، ق. تاسمۇراتوۆ، ن. كۋزبەيەۆكە قاتىستى ق ر ق ك 259 بابىنىڭ 3-بولىگىنىڭ «ا، ۆ» تارماقتارى بويىنشا ايىپتاۋدى 296-بابىنىڭ 4-بولىگىنە، ياعني ەسىرتكى زاتتارىن ساتۋ ماقساتىنسىز كوپ مولشەردە زاڭسىز يەمدەنىپ الۋ جانە ساقتاۋ بويىنشا وزگەرتتى.

سوندىقتان سوت ق ر ق ى ج ك 337-بابىنىڭ 7-بولىگىنە سايكەس اتالعان سوتتالۋشىلارعا قاتىستى ءىستى جاڭا ايىپتاۋ بويىنشا قارادى. سوت سونىمەن قاتار سوتتالۋشىنىڭ ساتۋ ماقساتىندا زاڭسىز ەسىرتكى زاتىن ساقتاعانى تۋرالى دالەلدەردى ايىپتاۋشى تاراپتىڭ ۇسىنباۋىنا جانە ءىس ماتەريالدارىندا بولماۋىنا بايلانىستى ا. ريابتسيەۆتىڭ ارەكەتىن ق ر ق ك 296-بابى 4-بولىگى بويىنشا قايتا دارەجەلەدى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى