فيليپپيندە ريم پاپاسىنا قاستاندىق جاسالماق بولعان
باسىلىمنىڭ حابارلاۋىنشا، ريم پاپاسىنا قاستاندىق جاساماق بولعاندار - «دجەما يسلاميا» توبىنىڭ ەكسترەميستەرى. فيليپپين پوليتسياسىنىڭ مالىمەتىنشە، «ءال-كايدامەن» بايلانىسى بار لاڭكەستەر مانيلا قالاسىندا 18- قاڭتار كۇنى بومبا جارماقشى بولعان.
لاڭكەستەردىڭ جوسپارى بويىنشا، جارىلعىش زات ريم پاپاسىنىڭ سالتاناتتى شەرۋى وتەتىن كوشەلەردىڭ بىرىندە جارىلۋى ءتيىس بولعان. ءبىراق ولاردىڭ بۇل جوسپارى نەلىكتەن ىسكە اسپاعانى تۋرالى پوليتسيا ازىرشە تۇسىنىك بەرگەن جوق.
ايتا كەتەيىك، ريم-كاتوليك شىركەۋىن باسقارعان تۇلعالارعا بۇعان دەيىن دە تالاي قاستاندىقتىڭ جاسالعانى بەلگىلى. سونىڭ ءبىرى 1981-جىلى ريمدە بولدى. تۇرىك لاڭكەسى مەحمەت ءالي اگدجا سول كەزدەگى ريم پاپاسى يوانن پاۆەل II گە وق اتتى، ءبىراق ءدىنباسى ءتىرى قالدى. اگدجا وقيعا ورنىندا ۇستالىپ، ءومىر بويىنا سوتتالدى. 1983-جىلى پونتيفيك ريم تۇرمەسىندە قىلمىسكەرمەن كەزدەسىپ، ۇزاق سويلەسكەننەن كەيىن وعان كەشىرىم بەردى. ال اگدجا 2000-جىلى ساۋىردە يتاليا پرەزيدەنتىنىڭ راقىمشىلىعىنا ىلىگىپ، تۇركياعا ەكستراديتسيالاندى. ول وندا تۇرىك گازەتىنىڭ جۋرناليسىن ءولتىرىپ، قارۋلى قاراقشىلىق جاساپ، تاعى 10 جىل تۇرمەدە وتىرىپ شىقتى. ال يوانن پاۆەل II 2000-جىلى 84 جاسىندا قايتىس بولدى.
tengrinews.kz
