توقايەۆ بەلگىلى قىتاي ديپلوماتىن ءوتىنىشى بويىنشا قابىلدادى
سەنات ءتوراعاسى بەلگىلى قىتاي ديپلوماتىن جوعارعى لاۋازىمعا تاعايىندالۋىمەن قۇتتىقتاي كەلىپ، قىتايدىڭ ا و س ش ك- گە تابىستى ءتوراعالىق ەتكەنىن اتاپ ءوتتى. سونىڭ ارقاسىندا بۇل فورۋم بەدەلگە يە بولدى جانە قاۋىپسىزدىكتى قامتاماسىز ەتۋدەگى ازيا قۇرىلىعىنداعى ماڭىزدى فاكتورعا اينالدى.
ق. توقايەۆ شانحايدا وتكەن ازياداعى سەنىم شارالارى مەن ىنتىماقتاستىقتى نىعايتۋدىڭ ءىس جۇزىندەگى تەتىكتەرى ازىرلەنگەن ا و س ش ك- ءنىڭ 4- ءسامميتىن مەملەكەت باسشىسى نۇرسۇلتان نازاربايەۆتىڭ جوعارى باعالايتىنىن اتاپ ءوتتى.
گۋن سزيانۆەي ا و س ش ك- ءنى ودان ءارى دامىتۋ جوسپارى جانە ونى ازياداعى قاۋىپسىزدىك جانە دامۋ ۇيىمىنا وزگەرتۋ مۇمكىندىگى تۋرالى حاباردار ەتتى.
اۆتور: سەرىك قاراجان
