تامىرىمىز بولەك بولسا دا، تاريحىمىز ءبىر حالىقپىز
«20 جىل ارالىعىندا قازاقستان حالقى اسساملەياسىنىڭ اتقارعان جۇمىسى وتە كوپ. ەڭ الدىمەن، وسى ۋاقىت ارالىعىندا ەلىمىزدە ەشقانداي ۇلت ارازدىق جانجال بولعان جوق. مەملەكەت باسشىسى ق ح ا ءتوراعاسى رەتىندە ءار ۇلت پەن ۇلىستىڭ وكىلدەرى ءوز ماسەلەسىن تىكەلەي كوتەرە الاتىن سۇحبات الاڭىن قۇردى. وزگە ۇلتتاردىڭ مۇددەسىن ەسكەرە وتىرىپ، وسى ۋاقىت ارالىعىندا بەيبىتشىلىك پەن كەلىسىمدى ساقتاي بىلدىك. ءبىزدىڭ اينالامىزدا ءتۇرلى داۋ-جانجالدار تۋىنداپ جاتىر. ت م د ەلدەرىنىڭ ىشىندە بىرلىك پەن تاتۋلىقتى تۋ ەتكەن جالعىز ەلمىز. ءبىز - تامىرى بولەك بولسا دا، تاريحي تاعدىرى ءبىر باقىتتى حالىقپىز. قازاقستان حالقى اسسامبلەياسىنىڭ 20 جىلدىعى بارلىق 17 ميلليون قازاقستاندىققا ورتاق مەرەكە بولارى ءسوزسىز»، - دەدى ۆ. لۋكاشيەۆ.
ورىس ەتنومادەني بىرلەستىگىنىڭ ءتوراعاسى مەرەيلى جىل اياسىندا اتقارىلار ىستەردىڭ جوسپارىمەن دە تانىستىرىپ ءوتتى.
ونىڭ ايتۋىنشا، ورىس ەتنومادەني بىرلەستىگى ورىس ءتىلىنىڭ، مادەنيەتىنىڭ ساقتالۋىمەن قوسا، قازاق ءتىلىن ناسيحاتتاۋعا بار كۇشىن سالادى.
«ءبىز تەك قانا ءوز مادەنيەتىمىز عانا ەمەس، جەرگىلىكتى ۇلتتىڭ مادەني، رۋحاني بايلىعىن ساقتاۋ ارقىلى قازاق جەرىندەگى بىرلىكتى قامتاماسىز ەتۋگە ءوزىمىزدىڭ قاراپايىم ۇلەسىمىزدى قوسپاقپىز. ءبىز الەۋمەتتىك جاعىنان از قامتىلعان وتباسىلاردىڭ بالالارىنىڭ جازعى دەمالىسىن قارجىلاندىرامىز. اسسامبلەيا جىلى اياسىندا قالانىڭ ورتا مەكتەپتەرىنىڭ بىرىنە ادەبي كىتاپتار تاپسىردىق. جىل اياسىندا ءتۇرلى مادەني شارالار، ورىس مادەنيەتىنىڭ فەستيۆالى وتەدى. وتكەن جىلى شارا لەرمونتوۆ شىعارماشىلىعىنا ارنالعان بولسا، بيىل ۇلى جەڭىستىڭ 70 جىلدىعىنا ارنايتىن بولامىز. بىزگە بەيبىت ءومىر مەن جەڭىس سىيلاعان ادامداردىڭ ۇلتىنا قاراماستان ولاردى شيپاجايدا ەمدەلۋىنە بارىنشا جاعداي جاسايتىن بولامىز»، - دەدى ۆ. لۋكاشيەۆ.
اۆتور: گۇلميرا عوسمانالي
