قازاقستاندىق بانكنوت ديزاينى زاڭسىز بولىپ شىقتى
تۇركى جازباسىنا ارنالعان «كۇلتەگىن» ەسكەرتكىش بانكنوتىن 2014-جىلى (International Bank Note Society) حالىقارالىق بانكنوت قاۋىمداستىعى «2013-جىلدىڭ ەڭ ۇزدىك بانكنوتى» نوميناتسياسى بويىنشا جەڭىمپاز دەپ تانىعان بولاتىن.
«الايدا بۇل بانكنوتتىڭ ديزاينى قازاقستان رەسپۋبليكاسى پرەزيدەنتىنىڭ جارلىعىمەن بەكىتىلگەن قازاقستان تەڭگەسى - ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنبەگەن، - دەيدى كلەنچين. - ياعني، جارلىققا سايكەس، بانكنوت پەن مونەتادا ديزايننىڭ بەكىتىلگەن جىلى مەن مونەتانىڭ سوعىلعان جىلىن كورسەتۋ مىندەتتى ەلەمەنت بولىپ ەسەپتەلەدى». ۇلتتىق قور مالىمەتىنشە، ديزايننىڭ بەكىتىلگەن جىلىن كورسەتۋ - بۇيرىقتى ءارى مىندەتتى تالاپ.
كلەنچيننىڭ ايتۋىنشا، نومينالى 1000 تەڭگەلىك بانكنوتتىڭ مىندەتتى ەلەمەنتسىز، ياعني بانكنوت ديزاينىنىڭ بەكىتىلگەن ۋاقىتى كورەستىلمەي، مەملەكەت باسشىسىنىڭ جارلىعىنداعى تالاپتار بۇزىلعان كۇيى بانكنوتتىڭ شىعارىلۋى ەرەجەنى ورەسكەل بۇزعاندىق جانە ديزايننىڭ زاڭسىز جاسالعاندىعىن كورسەتەدى. ايتا كەتەيىك، تۇركى جازباسىنا ارنالعان «كۇلتەگىن» ەسكەرتكىش بانكنوتتارى 10 ميلليون دانامەن، جالپى سوماسى 10 ميلليارد تەڭگەمەن تارادى. نومينالى 1000 تەڭگە بولاتىن بانكنوتتا قايرات كەلىمبەتوۆتىڭ قولى تۇر، ول 2013-جىلى 12- جەلتوقساندا اينالىمعا ءتۇستى.
بانكنوت سارعىش قوڭىر ءتۇستى. بەتكى جاعىندا كۇلتەگىن ءمۇسىنىنىڭ فراگمەنتى (تۇركى قاعاناتىنىڭ ساياسي جانە اسكەري قايراتكەرى)، «قازاق ەلى» مونۋمەنتى جانە كوگەرشىندەر بەينەلەنگەن. سىرتقى جاعىنان تۇركى اسكەرىنىڭ جارتاسقا سالىنعان بەينەلەرىن، تۇركى جازباسىنىڭ ەسكەرتكىشى مەن بۇعىنى كورۋگە بولادى. سونىمەن قاتار، سىرتقى جاعىندا مەملەكەتتىك تۋ، ۇلتتىق بانك لوگوتيپى مەن «ەسكەرتكىش تەڭگە» جازباسى بەينەلەنگەن گولوگرافيالىق جولاق ورنالاسقان.
