حالىقتىڭ ورتا جاسى وسسە، ونكولوگيالىق اۋرۋلار كوبەيە بەرەدى

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باس ونكولوگى، قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ديرەكتورى قۋانىش نۇرعازيەۆ ءمالىم ەتتى.

«2012 - جىلدىڭ قاڭتار ايىندا ەلباسى ءوز جولداۋىندا ونكولوگيا سالاسىن دامىتۋعا زور كوڭىل ءبولدى. ويتكەنى، حالىقتىڭ ءولىم-ءجىتىمى سەبەپتەرىنىڭ اراسىندا ونكولوگيالىق اۋرۋلار ەكىنشى ورىندا تۇر. ودان كەيىن ۇكىمەت قاۋلى قابىلداپ، مەملەكەتتىك باعدارلاما ازىرلەدى. 2012 - جىلدىڭ 29 - ناۋرىزىندا قابىلدانعان باعدارلاما بەس جىلعا ارنالعان. وندا 69 شارانى جۇزەگە اسىرۋعا 211 ميلليارد تەڭگە قاراستىرىلعان. قازىرگى ۋاقىتتا سول باعدارلامانىڭ ءۇشىنشى جىلى اياقتالۋدا»، - دەدى ول.

ەلىمىزدىڭ باس ونكولوگىنىڭ سوزىنە قاراعاندا، بۇگىندە قازاقستاندا ونكولوگيالىق اۋرۋلارعا شالدىققانداردىڭ سانى 150 مىڭنان اسىپ وتىر.

«جىل سايىن ەلىمىزدە ونكولوگيالىق اۋرۋلارعا شالدىققانداردىڭ قاتارى ارتىپ كەلەدى. سەبەبى، حالىقتىڭ ورتا جاسى ءوسۋ ۇستىندە. ادامنىڭ ورتا جاسى وسسە، ونكولوگيالىق اۋرۋلار كوبەيە بەرەدى. دەگەنمەن، قازىرگى ۋاقىتتا ونكولوگيالىق اۋرۋلاردان شەتىنەۋ كورسەتكىشى تومەندەپ كەلەدى»، - دەدى ق. نۇرعازيەۆ.

ونىڭ اتاپ وتۋىنشە، ماسەلەن، 100 مىڭ ادامعا شاققاندا ونكولوگيالىق اۋرۋلاردان قازا بولعاندار سانى 99,4 بولسا، قازىر 94 كە تومەندەتىلگەن.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى