تالما اۋرۋىنان عالامتور ارقىلى ايىقتىرۋ

وسىعان وراي ەلىمىزدە Neuro Web دەپ اتالاتىن الەۋمەتتىك جەلى اشىلدى.

جوبانىڭ ماقساتى - نەۆرولوگيالىق سىرقاتقا شالدىققان، سونىڭ ىشىندە ەپيلەپسيامەن اۋىراتىن جاندارعا قولداۋ كورسەتۋ، دەپ حابارلايدى ك ت ك.

قازاقستاندا تالما اۋرۋىمەن 45 مىڭ ناۋقاس تىركەلگەن. ولاردىڭ 40 پايىزى بالالار ەكەن.

بۇعان دەيىن قوعامدا ەپيلەپسيا جازىلمايتىن اۋرۋ دەگەن پىكىر قالىپتاسقان بولسا، ەندى ماماندار دەر كەزىندە ۇزدىكسىز ەمدەلسە، دەرتتى جەڭۋگە بولادى دەيدى.

جاڭادان اشىلعان جەلىدە ناۋقاستار مەديتسينالىق مالىمەتتەرمەن الماسىپ، «ونلاين-دارىگەردەن» اقىسىز كەڭەس الادى. مۇندا، سونىمەن قاتار، بازانى پايدالانۋشىلاردىڭ جاعدايى مەن دارىلەردىڭ كەرى اسەرى تۋرالى جازبالار ساراپتامادان وتكىزىلمەك.

«ەلىمىزدەگى جاستاردىڭ جارتىسىنان كوبى الەۋمەتتىك جەلىلەردى پايدالانادى. بۇل باستامانىڭ ەپيلەپسياعا شالدىققاندارعا تيگىزەر كومەگى زور. الەۋمەتتىك جەلىدە بوس ءسوز ايتىپ، قانداي دا ءبىر فيلمدى تالقىلاعانشا، سىرقاتىنا داۋا ىزدەگەن جاندارعا كەڭەس بەرىپ، پىكىر الماسقان دۇرىس دەپ ويلايمىن»، - دەيدى الماتى قالاسىنىڭ تۇرعىنى رۋفات زۋلپاكاروۆ.

BNews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى