وزگە ۇلت وكىلدەرى قازاق ءتىلىن دارىپتەدى
سلاۆيان، وزبەك، تاتار، كارىس، ءازىربايجان، كۇردى، تاجىك جانە قىرعىز ەتنوس وكىلدەرى اراسىندا وتكىزىلگەن فەستيۆالگە قالالىق، اۋداندىق بايقاۋلاردىڭ جەڭىمپازدارى مەن ەتنومادەني بىرلەستىكتەرىنىڭ وكىلدەرى قاتىستى.
بايقاۋدا باق سىناعان 27 قاتىسۋشى جەكە انشىلىك بويىنشا، ۆوكالدى توپتار، حور ۇجىمدارى جانە ءتۇرلى اسپاپتاعى ورىنداۋشىلار جان- جاقتى ونەر كورسەتتى. ءارتۇرلى ۇلت وكىلدەرى قازاق تىلىندە قازاقتىڭ مادەنيەتى مەن سالت-ءداستۇرىن، اندەرىن دارىپتەدى.
ولار قازاقتىڭ ۇلتتىق كيىمىن كيىپ ەلىمىزدىڭ تاتۋلىعىن، بەيبىتشىلىگىن پاش ەتەتىن اندەر ورىندادى. سونىمەن بىرگە ولار قازاقتىڭ مادەنيەتىن، ونەرىن كورسەتە وتىرىپ، ءوز ۇلتىنىڭ مىنەز- قۇلقىن، بولمىسىن دا ۇمىت قالدىرمادى.
قورىتىندىسىندا ءبىرىنشى ورىندى وبلىستىق تاتار-باشقۇرت ەتنومادەني بىرلەستىگى اتىنان ح. يسماگيلوۆا السا، ەكىنشى ورىنعا «تۇمار تريوسى»، ياعني تولە ءبي اۋدانىنان كەلگەن سلاۆيان ەتنومادەني بىرلەستىگى لايىق دەپ تابىلدى.
ال سايرامدىق م. سايديكاريم جۇلدەلى ءۇشىنشى ورىندى يەمدەندى. شارا جەڭىمپازى ناۋرىز ايىندا استانا قالاسىندا وتەتىن رەسپۋبليكالىق بايقاۋعا جولداما الدى.
