سەمەي مەكتەپتەرىنىڭ وقۋشىلارى ارميا ءومىرىنىڭ ءبىر كۇنىمەن تانىستى - فوتو
دەپ حابارلادى ق ر قورعانىس مينيسترلىگىنىڭ باسپا ءسوز قىزمەتى.
جارىسقا سەمەي ءوڭىرىنىڭ 44 مەكتەبى قاتىستى. وقۋشىلار «شىعىس» وڭىرلىك قولباسشىلىعى جاۋىنگەرلىك دايارلىق باسقارماسى دەنە دايارلىعى جانە سپورت ءبولىمىنىڭ باستىعى پودپولكوۆنيك راسۋل مەيىرمانوۆتىڭ جەتەكشىلىگىمەن نورماتيۆتەر ورىنداپ، كالاشنيكوۆ اۆتوماتىن بولشەكتەپ، قۇراستىردى، اۆتومات ماگازينىنە وق تولتىرىپ، پنيەۆماتيكالىق مىلتىقتان اتتى. جاتتىعۋلار ءۇشىن ا ك-74 اۆتوماتتارىن 35411 اسكەري ءبولىمى ۇسىندى.
«مەنىڭ بالا كەزىمدەگى ارمانىم ورىندالدى. مەن ءارقاشان ناعىز اسكەردە بولۋدى ارمانداعانمىن. ال بۇل جەردە ءبىز قارۋدان اتتىق، نورماتيۆتەر تاپسىردىق. بولاشاقتا مەن ءوز ءومىرىمدى اسكەري قىزمەتشى بولىپ، وتانىمىزدى قورعاۋ ىسىمەن بايلانىستىرۋعا تىرىسامىن»، - دەدى 8 سىنىپ وقۋشىسى جانسايا وماروۆا.
ءىس- شاراعا ۇلى وتان سوعىسى مەن اۋعان سوعىسىنىڭ ارداگەرلەرى قاتىستى. اسكەري- سپورتتىق جارىستىڭ قۇرمەتتى قوناقتارى قاتارىندا «شىعىس» وڭىرلىك قولباسشىلىعى اسكەرلەرى قولباسشىسىنىڭ تاربيە جانە الەۋمەتتىك- قۇقىقتىق جۇمىستار جونىندەگى ورىنباسارى پولكوۆنيك ازامات مۇقاتوۆ، ۇ و س ارداگەرى پەتر كولومين، «اۋعانستان جانە سەمەي قالالىق جەرگىلىكتى سوعىستار ارداگەرلەرى مەن مۇگەدەكتەرى» قوعامدىق بىرلەستىگىنىڭ ءتوراعاسى بورانباي بەگاتوۆتار بولدى.
