ادامزاتتىڭ العاشقى عارىشكەرىنىڭ قىزى قۇرمەتتى لەگيون وردەنىنىڭ وفيسەرى اتاندى

ولارعا ناگرادانى فرانسيانىڭ رەسەي فەدەراسياسىنداعى ەلشىسى جان-موريس ريپەر تاپسىردى.

«فرانسيا مەن رەسەي اراسىنداعى قاتىناستار قازىر قيىن كەزەڭدەردى باستان وتكەرۋدە. دەگەنمەن فرانسيانىڭ رەسەيلىك مادەنيەت مەكەمەلەرىن، اتاپ ايتقاندا، ماسكەۋ مۋزەيلەرىن تانۋى باعالى»، - دەدى ماراپاتتاۋ ۇستىندە ەلەنا گاگارينا.

ۇلكەن تەاتردىڭ باس ديرەكتورى ناگرادانى الا وتىرىپ، بارلىق تەاترلىق جوبالار فرانسۋز ارىپتەستەرىمەن بىرگە جۇزەگە اسىرىلعانىن اتاپ ءوتتى.

ەرەكشەلىك بەلگىلەرىن تاپسىرۋ فرانتسيانىڭ ر ف- داعى ەلشىسىنىڭ ماسكەۋلىك رەزيدەنتسياسىندا ءوتتى. ناگرادالارمەن ولاردىڭ ەكى ەلدىڭ مادەني بايلانىستارىن دامىتۋعا قوسقان ۇلەسى اتالىپ ءوتتى.

ەلەنا گاگارينا - ونەرتانۋشى، ادامزاتتىڭ العاشقى عارىشكەرىنىڭ قىزى. «ماسكەۋ كرەملى» مەملەكەتتىك تاريحي-مادەني مۋزەي-قورىعىنىڭ باس ديرەكتورى. بۇل قىزمەتكە 2001 - جىلعى 12 - ساۋىردە ادامنىڭ عارىشقا ۇشىرىلعانىنا 40 جىل تولعان كۇنى تاعايىندالدى.

ۆلاديمير ۋرين مەملەكەتتىك اكادەميالىق ۇلكەن تەاتردىڭ باسشىسى بولىپ 2013 - جىلى تاعايىندالدى.

قۇرمەتتى لەگيون وردەنىن ناپولەون بوناپارت 1802 - جىلعى 19 - مامىردا تاعايىنداعان. وردەن فرانسيا الدىنداعى ەرەكشە سىڭىرگەن ەڭبەگىن تانۋدىڭ جوعارعى ەرەكشەلىك بەلگىسى بولىپ تابىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى